آیات محبوب کتاب مقدس از Pin'ilʋg 27

به اشتراک گذاشتن

Dinzugɔ Wina'am na kɛ ka mɛligim lii fʋ pɔɔdin, ka kɛ ka fʋ pɔɔd mɔr kʋ'ʋlʋm pamm, ka fʋ zʋʋd nɛ daam maal bɛdegʋ. Tɛɛns wʋsa nidib na tʋm tisif. Ba na igini fʋ tuonnɛ na'asif. Fʋ na an zugdaan fʋ ba'abiis wʋsa tuon ka fʋ mabiis na igini fʋ tuon. Onɛ pɔ bɛ'ɛd wʋsa tisif, bɛ'ɛd na dɔl o. Ka onɛ niŋi fʋ zug bareka, albareka na dɔl o.”

Ka Esau yɛl ye, “Ya'a an sida, bi'esʋg kae ka ba pʋd o yʋ'ʋr ye Jakob ka li gbin an ‘Zam sɔb la!’ Nɔɔra ayi' nwa' ka o zam mam. O da faanm kpɛuŋ faar ka nannanna ka o lɛn faaɛn m albareka!” Ka o bu'os o saam la ye, “Fʋ pʋ kɛ albareka baa bi'ela digil mam mɛnɛ?”

Ka o saam Isaak yɛl o ye, “Fʋ bɛllim zin'ig na lal nɛ pɔɔd banɛ mɔr kʋ'ʋlʋm, ka mɛligim pʋn kʋ luu anina. Fʋ na mɔr sʋ'ʋgʋ zabid ka na an onɛ tʋmmi tisid Jakob. Amaa saŋa kenna ka fʋ kʋ lɛn siaki aan o yammʋgɔ ka na sʋ'oe fʋ mɛŋ.”

Ka Esau lɛn yɛl o ye, “M ba', fʋn mɔri albareka yinne ma'aanɛ? Aba, kʋdim niŋim man zug bareka mɛn; m ba'!” Ka o kaas bɛdegʋ.