آیات محبوب کتاب مقدس از Zãn 6

به اشتراک گذاشتن

Ɛ́ Yiezu zɔn bie lɛ́ ɓà ǹ nɛ làa: «Ǹpe iè hɔ̀ búrú lɛ wóò lɛ́ lé mɛkɛ̃nì ɓɛ̀ nìnbirìe ǹ. Ɛ́ nìnbírɔ kɛ́ á ɓɛrɛ niǹ viì, ɛ́ hĩni ɛ́ yá bĩní ɓí-e wɛ̀. Àlɛ ɛ́ dũmuasɛ̃̀ mì ǹ ɛ́ ɲɛ-hĩni ɛ́ yá bĩní ɛ́ ɓé wɛ̀.

Mɛkɛ̃n-Sãanu te le mɛkɛ̃nì wóò lɛ́, ɛ̀ nìnbírɔ míte ǹ ɛ́ pe yí dɛ̀ bòo dɔ̀ ɛ́ yá wé wɛ̀. Ɛ́ hɔ́ biehĩ́ lɛ ɛ́ ń khɛ́ lɛ́ miɛ ǹ ɛ́ iè Mɛkɛ̃n-Sãanu, ɛ̀ hɔ̀ wóò lɛ́ lé mɛkɛ̃nì.

Mì bí wé hɔ́ díe lɛ wóò yaa ɛ̀ mì wóo cɛ mi kuò ɛ̀ cɛ̀, kɛ́ hɔ́ díe lɛ wóò kań yán fúu, hɔ̀ díe lɛ ɛ́ lé mɛkɛ̃nì lɛ yá vé ɛ́ wi hũn iè pe ɛ́ mí wóo cɛ̀ mi kuò ɛ̀ cɛ̀. Ɛ́ hɔ́ díe lɛ ɛ́ lé mɛkɛ̃nì lɛ yá vé ɛ́ wi hũn á nìnbírɔ Zuú ɛ́ te mii lɛ́ miɛ ǹ, iè hɔ̀ lɛ ɛ́ hɔ́ iè ɔ̀pe á Yàá Dɔfĩn ɛ́ lɛ́ lé ɲunù nin.»

Ɛ́ kìe Yàá tĩì bòo iè hɔ̀ lɛ, ɛ̀ ɓɛ̀ nìnbirìe ɓɛ́kùi lɛ ǹpe Zuú ɛ̀ húi ɛ̀ ɓɛ̀ lò dũmuasɛ̃̀ mi ǹ, ɛ̀ yí lé mɛkɛ̃nì lɛ yá vé, ɛ̀ ǹ vìení ɓɛ́ lè mɛ́n-sí zɔǹ.»

Ɛ́ Yiezu zɔn kɔ̃́niɛ ɓɛ̀ nɛ làa: «Hɔ̀ bòo lɛ ɛ́ Dɔfĩn ɛ́ cɛ̀ nɛ mi wé, iè hɔ̀ lɛ ɛ̀ mì dɛsĩ̀-ɛ lɛ Hɔ́ tɔrɛ ǹ.»

Kìe Yàá nìnbirìe lɛ á lɛ́ mi ǹ ɓɛ́kùi ɛ́ vaá-ɓen niǹ viì, ɛ̀ nìnbírɔ lɛ ɓɛrɛ niǹ viì ɛ́ ń yá pĩ́ yá mi wɛ̀.

Ɛ́ Simɔn Piɛre zɔn kɔ̃́niɛ ɔ̀ nɛ: «Ɲunsɔ, ké bĩní khíi vɛ wieni viì? Kɔ̀pe ɛ́ te le mɛkɛ̃nì lɛ yá vé biehĩ́ ɛ́ dàa.

Ǹpe iè pe búrú lɛ ɛ́ yiè wi lɛ lɔ́ hɔ́ hóohũn ɛ́ ɓen síɛ. Kɛ́ nìnbírɔ ɓen lɛ̀ hɔ̀ búrú sɔ, á kan yán fúu ɛ́ yá hí yá mi wɛ̀. Ɛ̀ hɔ̀pe búrú lɛ ɛ́ nin lɛ́ iè niǹ tɛkɛà. Ɛ́ nin lɛ́ hɔ́ bòo lɛ ɛ́ wé ɛ̀ ɓɛ̀ dímíɲɛ́ nìnbirìe ɓɛ́kùi ɛ́ yí lé mɛkɛ̃nì.»

Nìnbírɔ dɔ̀ ɛ́ yí dɛ̀ yá ɓen niǹ viì kɛ́ kìe Yàá lɛ te nin tɔrɛ ɛ́ yí vɛ́ ɓàasɔ ɛ̀ dàa ɓen wɛ̀. Ɛ́ ń ɓén vìení ɓàasɔ lè mɛ́n-sí zɔǹ.

Iè hɔ̀ lɛ ɛ́ hɔ́ búrú lɛ ɛ́ Dɔfĩn ɛ́ wóò lɛ́, ɛ́ iè ɔ̀lɛ ɛ́ lɔ́ àá hɔ́ hóohũn ɛ̀ ɓɛrɛ siɛ mii lɛ́ lé mɛkɛ̃nì ɓɛ̀ dímíɲɛ́ nìɛ ǹ.»

Ǹpe iè hɔ̀ búrú lɛ wóò lɛ́ lé mɛkɛ̃nì ɓɛ̀ nìnbirìe ǹ.

Ɛ́ Yiezu fɔ́ hɔ́ búrú à dɔ́ Dɔfĩn bɛrikɛ, à sankɛa hɔ̀ ɛ́ lɛ́ ɓɛ́pe lɛ wi yán. À lò bĩniɛ lɛ́ ɓɛ́ ciè ɓà ǹ kɛ̀a bòo lɛ ɛ́ ɓɛ́ wɛ. Ɛ́ bòo lɛ ɛ́ ɓɛ́ dú tù vɔ́, ɛ́ Yiezu ɛ́ khie bie lɛ́ mí kɛ̀ránzɛ̀ɓɛ̀ ǹ nɛ ɓɛ khui hɔ lɛ kɛ́, ɛ̀ bòo dɔ̀ ɛ̀ bí yaa wɛ̀.

Ɛ́ hɔ́ lɛ ɛ́ ɓɛ́ kɛ̀ránzɛ̀ɓɛ̀ ɛ́ kɛrɛ hɔ̀ ɲumu fúu ɛ́ van yú kílɔ́nɓɛ̀ hùanú tàá huiezĩ́ ɓà ńmaà, ɛ́ ɓɛ́ mɔn Yiezu kɛ́ à vɛ hɔ ɲumu lɔ̀n ɛ́ kãa ɓɛ̀ ɛ́ ɓen lè wiè viì, ɛ́ ɓɛ́ zɛ́rɛ. Kɛ́ Yiezu den zɔn bie lɛ́ ɓà ǹ nɛ làa: «Hɔ̀ iè ǹpe, mì bí zán wɛ̀!»