آیات محبوب کتاب مقدس از MAROMU 8

به اشتراک گذاشتن

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

Mana tsiwafiku amba kav̄u ishindrao iritsapuwe na uv̄endza yahe: tsi ɗe ufa wala uhayi, tsi ɗe zimalayika wala ngushindzi zangina, tsi ɗe za leo wala za meso, tsi nguvu zitsokao yotsi, tsi za uju oho wala za uzimu, wala kav̄u shiumbe itsokao yotsi yangina itsoshindrao iritsapuwe na uv̄endza ya Mungu yav̄enuha ha Kristi-Insa, Raɓi watru.

Ɗe namuna iyo tsena iRoho uriv̄a musada hari mwa ushashi watru, mana wasi kariji yalazimu ritsahe hari mwa mamilio yatru, ɓadi iRoho wiyo-wiyo urimilia ha misisio-pumu yilio amba kav̄u marongozi yatsoshindrao yayieledze.

Ɓasi v̄av̄o rirongowe trini yahusu trongo zizo? Neka Mungu a uv̄andre watru, mbani ɗe atsoshindrao ake kinyume na wasi?

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

Ushahilifu wa fikira za ihali ya shiuɓinadamu uv̄inga hari mwa ufa, ɓadi ushahilifu wa fikira za iRoho uv̄inga hari mwa uhayati na utrulivu wa roho.

Ɓadi hari mwa piya trongo zizo, risuzidi uka washindrifu ha uwo ariv̄endza.

Nisuona amba hali yotsi utsokao utungu wa wakati unu, kawastahiki ufanisiwa na utukufu utsov̄enuliwao hatruju.

Mbani ɗe atsoritsapuao na uv̄endza wa Kristi? Hali itsoka ɗe taãɓu, au usongefu, au matreso, au ndza, au usikini, au hatwari, au upanga?

Na Monyewe aonao zilio moni na umo asujua zinia za iRoho, mana ɗe ha uɗunga yamav̄endzeleo ya Mungu ɗe imiliao watwaharifu.

ha iv̄o ilio amba piya wao wav̄ingwao na iRoho ya Mungu, wa wana wa Mungu.

Mana wao waẽshio ha uɗunga ihali ya shiuɓinadamu, ushahiliha na trongo za ihali ya shiuɓinadamu; ɓadi wao waẽshio ha uɗunga iRoho, ushahiliha na trongo za shi Roho.

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

iRoho wiyo-wiyo isutolea ushahidi iroho yatru amba wasi wana wa Mungu. Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

Fikira za ihali ya shiuɓinadamu, izo uwana kinyume na za shi Mungu, mana monyewe ukanazo katuĩ iSharia ya Mungu, wala kashindri ata hata uituĩ.

Mana ziumbe piya zisulindra na hamu uwakati wa umuv̄enulio wa uwana wa Mungu.

Mana risujua amba ata ileo ini piya zaumbwa zisuulula, mauri za hari mwa utungu wa madzazi.