آیات محبوب کتاب مقدس از MUV̄ENULIO 2

به اشتراک گذاشتن

Ɓadi iyo nilionayo kinyume na wawe, ɗe iv̄o wajeledza uv̄endza yaho ya mwandro.

Ɓasi nahana uka yaho kaɓula ya upuliha. Endra toɓa, urudi hari mwa zitrendro za handra zaho. Neka tsi namuna iyo nitsohujilia, tsena nitsotoa shihetsi-kombe yaho ɓandzaju hayo, ɓadi neka wendre toɓa.

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.

Wawe mustahamilivu, uondesheha ha siɓaɓu ya lidzina langu, tsena kwapuha ɓari.

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»