آیات محبوب کتاب مقدس از LUKASI 11

به اشتراک گذاشتن

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

Na wami nisumuambiani, namumiye, mutsov̄olwa; namuzunguhe, mutsopara; namureme hodi, na wanyu mutsoɓuliwa.

Mana yotsi amiao, uv̄olwa, uwo azunguhao, upara, na uwo aremao hodi, waye uɓuliwa.

Sa ile awaambia: «Mwamofanya mamilio, namurongowe: ‹Ɓaɓa, dzina laho nalitukuzihe, utawalizi waho nauje.

Riswamihi madhambi yatru, mana wasi wajau uswamihi kula arikosao, wala usurilishe radjereɓiwa.› »

Uriv̄e kula suku shahula ya urilela.

Dzitso laho ɗe umwenge wa umwili waho. Neka dzitso laho la djema, v̄av̄o piya umwili waho uka hari mwa heu; ɓadi neka dzitso laho la ɓovu, piya umwili waho uka hari mwa shidza.

«Kav̄u mutru apatsao kombe, alitriao v̄ahanu v̄wadzama, au alifinikiao shiya, ɓadi lilo utrilwa hari mwa shihetsi-kombe, ile wao wangiao, waone heu.