آیات محبوب کتاب مقدس از MAEFESO 1

به اشتراک گذاشتن

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu, na uɓole wazidi jeje wa ushindzi wahe ha tanafu yatru, wasi riaminio, ushindzi walingana na uɓole wa inguvu yahe airumia ha Kristi wakati amuregeza hayi ulawa ha uwafu, tsena amuketsisa humeni hahe mbinguni, mbali uju na kula utawalizi, kula yezi, kula ushindzi, kula uhu, na kula dzina lihirishihao, tsi tu amba hari mwa ulemengu unu, ɓadi tsena ata uwo ujao.

Ha uv̄umoja watru na waye, aritsahua kaɓula lidunia lilo uumbwa, pare rike watwaharifu, tsena ɓila kosa mbeli zahe. Ha uv̄endza wahe, aripangisa rangu kaɓula rifanyishihe wana wahe ha ndzia ya Insa-Kristi. Yao ɗe mav̄endzeleo yahe yamujiv̄ia

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe

Naɓarikishihe Mungu amma Ɓaɓa wa Raɓi watru Insa-Kristi, ariɓarikisha kula muɓarikisho wa roho wa shimbinguni, hari mwa uv̄umoja na Kristi.