آیات محبوب کتاب مقدس از MAKOLOSIYA 2

به اشتراک گذاشتن

Ɓasi ha izo, ɓaanda mwamukuɓali Kristi-Insa amba Raɓi, namuẽshi hari mwa uv̄umoja na waye. Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru; azimi hatwi likatiɓa laka laangihwa kinyume na wasi, lilio amba masharutwi yalo yakorisingidzia; alitoa ha ulirema mizumari hari mwa umuri wa pawa|muri wa pawa.

Mana haheju ɗe piya ukamilifu wa shiungu ulio v̄av̄o shimwili, na wanyu mukamilishiha hari mwa uv̄umoja na waye, alio ɗe iShitswa wa kula utawalizi na kula yezi.

Ɓasi ha izo, v̄usuke mutru yotsi amunamuani hari mwa iyo muɗyao au munwao, yahusu musherehio, mwezi muv̄ia, au tsena suku za Uv̄umuzi. Izo piya shivuli ya izo zijao, ɓadi iswafi ɗe Kristi.