آیات محبوب کتاب مقدس از Pulim 27

به اشتراک گذاشتن

Konto ŋwaane, Wɛ wó pa se nyɔnɔ nwoŋi wɛyuu ko pa se nmo tega kam fɔge ka ke wodiiru dedɛ, se n mena de n sa-doora gaale. Wɛ wó pa se dwi-gɛ tiina taa toŋe ba pae nmo ye nɔɔna tiiri nmo yiga ne ba pa‑m zula. Wɛ wó pa se n ta‑n ye n chorro tem yuu tu, ye nmo nu-bia bam maama wó tiiri nmo yiga ne ba pa‑m zula. Balo na sɔɔle lwarem ba yage nmo baŋa ne to de wó jwoori ba na sɔɔlem konto dwoŋi ba baŋa ne. Balo nam na sɔɔle lam ba yage n yuu ne to de wó jwoori ba na zaane.”

Esawu maa we, “O yere na ye Jakob to seene ko ye chega mo! O gane amo tento o ke kuni belei mo. O maŋe o ŋɔ amo bu-kwea nyɔɔre dem, ye leile konto o daa vere Wɛ swolim delo ya na ye a nyem to o woli da!” O laam daa ma bwei o kwo we, “Konto, n daa ta jege Wɛ swolim se n kwei n pa-ne na?”

O kwo Izaak ma leiri we: “Nmo zoorem jei bá taa ye tega kalo na ke wodiiru dedɛ. Tega kam ta bá na wɛyuu nyɔnɔ kom. Nmo wó ta‑n ke jara mo n zoora. Nmo wó ta‑n toŋe n pae n nyaane wom ne kabaa tei. Ko laam nam ná zo nmo yera, nmo wó vere n tete wonto dam kuri ne.”

Esawu ma fɔge o ta de o kwo o we, “Amo kwo, nmo bere n wo daare Wɛ swolim dedwoŋi na? Nam sɔɔle Wɛ swolim n yage amo de yuu ne! A kwo! A kwo!” Esawu ma to keira ne baŋa baŋa.