آیات محبوب کتاب مقدس از Mǒhtûlû̌hǎhtûsa 27

به اشتراک گذاشتن

Cǒmaradû̌ gǔ glolò̤lò̌lò̤ bǎ na mǒkhû̌ shicò pě, no hǎplǒhǎyî̌ wô̌bǎ na hǎkhû̌ pě, dě nabǔkû̌lǎ kû̌ sîpîshisî̌yô̤̌ tokhlǒ nṳ̌ betǐpî̌ tû̌ pě nî̌. Khlilèphû̌ tokhlǒ gǔ htûtû̌ napwa̤ma̤ta̤phû̌ tokhlǒ pě, dě asî gǔ dô̌gînî̤lò̤ bò pû dǒ nalô̤mô̤̌ pě nî̌. Na gǔ pǒǐ napṳ̌wè̤̌ tokhlǒ pě, dě lǒ̤bò namǒ̤ akhlialè tokhlǒ gǔ dô̌gînî̤lò̤ bò dǒ nalô̤mô̤̌ pě. Kòyò dǒ a ǐsho na tokhlǒnu, Cǒmaradû̌ ǐsho tû̌ asî pě, dě kòyò dǒ a ǐshowî̤ na tokhlǒnu, Cǒmaradû̌ gǔ ǐshowî̤ tûû̌ asî pě.”

Dě Khûětò̌ hî̌ kû̌, “Ami̤ kû̌ Khûya̤kò mî̌ atô mè̤̌caca kû̌ ami̤ a lîmòǎ dǒ hekhû̌ ginǐ̤plǎ hǒ. A lîmò phî̌sigwǐ kèhto he phû̌wè̤̌pwǎ̤ agûlǎ̤ hǒ. Khònò̤̌dě a lô̌ǎ phî̌sigwǐ pô̤̌ he ta̤ǐshowî̤ hǒhǒ!” dě a gwè̌ pô̤̌ apha kû̌, “Ta̤ǐshowî̤ dǒ na bè̌ô̌khô̌kè bǎ heyanu a ô̌ pe tôcǒ tô̤̌ ya?” (Ya̤kò yô̤̌sǎyô̤̌mû mî̌ lîmòǎ dǒ kòyòkhû̌.)

Dě apha PhaIsè̌ hî̌shǔ lû̌û kû̌. “Na bǎ ô̌ pwǎ gûlǎ̤ dǒ hǎplǒhǎyî̌ ô̌tô̤̌nu. “Shicò dǒ mǒkhû̌ lò̤tě̤tô̤̌ agûlǎ̤ nutôkû pě. “Na bǎ ô̌htûpwa̤ kû̌ nò̌she pě. “Na bǎ htû napṳ̌jû̌ pě. “Bǎbǎkǎlè bǎ na sǎyṳô̌ pe dǒ alǎ̤ tô̤̌ akha pěnu, a pǒǐ pe nô̌ na tô̤̌. “Dě na gǔ nǐ̤bǎ ta̤pi̤li̤ pě.”

Khûětò̌ hî̌ pô̤̌ apha kû̌, “Ǒ pha, ta̤ǐshowî̤ dǒ heya tôcǒphû̌ pwǎnu a ô̌ pejò tô̤̌ ya? Ǒ pha, ǐshowî̤ he, ǐshowî̤ mò̌ he nî̌,” a hî̌ dě a hǎ yî̤̌kǒyî̤̌sa.