آیات محبوب کتاب مقدس از Ruum 4

به اشتراک گذاشتن

Om aui opiduvo i ginavo disido aparsaya di nijanji do Kinoringan, nga gumirot nogi marong i ginavojo do aparsaya mivaja do mangarajou isido do Kinoringan. Om atatap i ginavojo do kadapat i Kinoringan mamaal do onuu nopo iri nijanji Disido.

Do nokotulis si Kitab i janji di Kinoringan si diIbraim do ka, “Ikano nosiliuKu do taki do oguu bansa,” ka. Om irad nopo diri, monuman i Kinoringan di janjiJo sabap aparsaya iIbraim Disido, irino i Kinoringan i momijau do tulun di nongapatai om mangarait diri auso supaya turus do kivaro.

I Yisus nopo nga pinataak do patajon sabap i duso tokou om nogi pinovijau supaya papabanar daton si gotuvang di Kinoringan.

IIbraim nopo nga mangaarap om nogi aparsaya marong diri tinangar di Kinoringan do ka, “Osiliuko do taki do oguu bansa,” ka. Insan ausopo koontodonjo do mangaarap daa nga mangaarap noopo isido, do kadi tinangaran do Kinoringan, “Irad di korombituon ginuu di koturunannu do insan tadau,” ka.

Nga irad nopo diri, nitaak di Kinoringan daton iri janjiJo sabap opuavang Isido do manaak di janjiJo di kasangkat koturunan diIbraim sabap i kaparsayaan diolo Disido. Nga najamin do Kinoringan do itaak toomod i janjiJo si di tulun Joudi i maja di Undang-undang Ugama do Joudi, nga okon iolo noo onuan Disido, nga irino i tongotulun vokon nogi di aparsaya do Kinoringan irad diIbraim i taki tokou, do kasangkat tokou manangaki diIbraim.

“Ososogitno i tulun di inompunan i kasalaanjo om i notopukan i dusojo. Om ososogitno i tulun di au kirawon do Tuhan i tongodusojo,” kadiri tinangaran si Kitab.

Do nuka batoi tinangar si Kitab? Ka gia tinangaran siri, “IIbraim nopo nga aparsaya do Kinoringan, om sabap do aparsaya isido nga irino dii do anggapon di Kinoringan isido do tulun di abanar,” ka.