آیات محبوب کتاب مقدس از Aba Vatowo 25

به اشتراک گذاشتن

E Yauweyana idigo kana, ‘Gamom goi boda aiyuwo sikaaiyaka go, bodayadi idi bíbina goi bei silivisi. Boda tayamo bei sitogaga, nakae sediyao bei sitogagasavedi. Bogomane bei ietolovina botomoya yaina goi.’

Siyana Yakobo igite ivaaipolu, tuwo ilatuwoko idigo kana, ‘Loga akámasa! Tauna siyagu, am bini kayakayaidi giyaina kuvinīgu akáika.’ Moe pasina Iso youyuwoina moe Idom.

E Ribeka ikágala, tauna Aisake ikawanoi Yauwe yaina bego natuna ivini. Tuwo Yauwe inove, e Ribekayana ikéuwama.

Isoyana idigo kana, ‘Loga akámasa go! Guna lovina kaga ana dedevina neta yau akámasa?’ Go Yakoboyana idigo kana, ‘Ame tuta Yaubada matana goi kukatōtula bei im lovina kuvinigu.’ Tauna Iso ikatótula idigo kana, ‘Yaubada matana goi kom botomoya nakae mam lovina.’

Ego tutayana Iso isowóduwo, siyana ivámliya ibisibala tuwowona aegedugeduna iyoisi, tauna sivayou Yakobo. E Aisake ana tala siksti (60) tutayana Ribeka natunao ivenatunidi.

Aisake yoguyogu woiwoi ana tokáika, tauna natuna Iso imatakoiye. E kina go Ribeka natuna Yakobo imatakoiye.