آیات محبوب کتاب مقدس از Aba Vatowo 15

به اشتراک گذاشتن

Eberam inumisa Yauwe yaina, e ina numisayana Yauwe igite, ikamoitamoe bego kina Eberamyana moe tokibóbwata.

E amo dogoiyadi sikavava, Eberam ikalayáusa go, ina kalayausayana goi Yauwe ina livala ima idigo kana, ‘Eberam, taabu kuumatōita. Yau am lowo bei amatakavatem be nakae am tovaiwówana, e am vaiwówana gagaina toina bei avinim.’

E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’

E moeko goi kina Yauweyana ina livala aiyuwoina ina Eberam yaina idigo kana, ‘Amo tauyana bei geya im katumapu geya, go sem kom natum toinim wowom goi bei isowóduwo, e moe tauyana bei im katumapu.’

E Yauwe ikatuwoini idigo kana, ‘Eberam, ame kuyagoidōko: Tubumowo bei ituli ta boda idi poyapoya goi simalatonikasa. Ago niga kidi toni kasa bei tubumowoyadi sipakoidi, e tala ana badabada 400 goi siyogedeegededi.

Go kina Eberamyana idigo kana, ‘Yauwe guna Tomoya, yau bei geya natugumo akámasa go! Tauna kaga ana dedevina neta kónana kuvinigu? Yau guna katumapu moe guna pákwana Eliyesa guma Damasiko.’

E amo maliyalinayana goi Yauwe ikanasíuna Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.

E kidi go im bodaoyadi, e tala 400 sikavava, bei sikaluvilamna sima ameko goi go, mainao sieogaoga ituli ta kasa goi. Moitamo. Kidi Emori tubunao ameko goi sikaaiyaka ana kadókana idi goyo nakae itoboinedi adi liuna sibabane namliyeta bei avatapiyedi.’