آیات محبوب کتاب مقدس از Guinuwa 2

به اشتراک گذاشتن

E kina go Pitayana idigo kana, ‘Kotugavīla namliyeta komi tamo tamo kotagōna bego Yeisu Guyau yoina goi kasayoyoimi, e bei imi goyo inuwotaoidi be nakae Yaubada Baloma Kimaasabaina ivinibesoimi.

E tuta liliuna sikaasaledi vamoleyanayao idi vatulúkwana goi be nakae abivekoveko goi, aba nuwokavata aikanina goi be nakae awanoi goi.

Sitowotowo go, madabokidi Baloma Kimaasabaina ivakayaodeidi, tuwo sivatowo ta kaníyana be ta kaníyana goi sibobóbwara nakonakae Balomayana ikitogagedi.

Sikaaiyaka go, yábana goi butukáwana tayamo ima yágira yailúwasa butukáona nakae. Tuwo madabokiidi vadayana goi sikaaiyaka sinove. Sinove go, máena sisowóduwo adi kaigigita yeu nakae go, sitasapasapa sina tomota tamo tamo dabadi goi sitowotowo. Sitowotowo go, madabokidi Baloma Kimaasabaina ivakayaodeidi, tuwo sivatowo ta kaníyana be ta kaníyana goi sibobóbwara nakonakae Balomayana ikitogagedi.

Maliyalina tamo tamo sina Yaubada ina Vada Kimaasabaina goi nuwodi tayamo sisaakululu be nakae idi vada goi aba nuwokavata aikanina siguuinuwe go, madi uyáwana be madi kasala avadi sikaiguyauye tomota liliudi yaidi goi, e taiyao sikakáika. Ago Yaubada siyaapaliye, e kidi boda madabokina sikanuwoiyedi. E kina go Tomoya maliyalina tamo tamo goi maniyena tomota iyavedi, e tauna ina tonumisayao ivaituwedi.

“Yaubada idigo kana, ‘Nava bei tuta ana kaba lukavava goi Balomaigu asiwoi isou ina tomota liliudi yaidi goi ikaaiyaka. Tuwo natumiyao koroto be vevina guna livala bei sikabivalevale. Imi tubuwauyao bei sikalayáusa go, imi tomoyamoya bei sikanamimi.

E kidi go Yeisu ana tonumisayaoyadi liliudi taiyao sikaaiyaka, e idi sinapu ame nakae: Konadi tayamo, avadi tayamo, adi kwama tayamo, e ame konadiyadi madabokina sikasaledi tomota yaidi. Idi poyapoya maniyena be nakae konadi maniyedi sikaigimonedi go, maisadi sikabidi, avatauwa neta geya konadimo, yaidi goi sikaiguyauyedi.

Go avatauwa neta Yauwe yaina goi siduduwo adi vaita manuna, bei adi yava sibabane.’”’ Iyoeli 2:28-32

Aba kainaopa yábana osasaina goi bei amadagidi. Aba kainaopayadi moe níyala bei ikamamaníwana be nakae tukówana matana ivakayakaya ikaika nakae. Aiyuwoina aba kinana poyapoya goi bei amadagidi. Aba kinanayadi moe ikaika, yeu sabeninimina be aubowo gagaina. Moe dogoiyadi sikavava, namliyeta baige Yauwe ina Maliyalina gagaina nakae dedevina bei isowóduwo.