آیات محبوب کتاب مقدس از Bwób Zitül 27

به اشتراک گذاشتن

Marü God gles mor kwitümgab ki kókya akó marü ini tüp ki mórrel syó! Marü God metat ki küliólün abün ⌊wit⌋ küp akó küsil waen. Ini tüpan pamkolpama sab marü zaget pam ki kwarilün, da i sab marüka wakósingül ki nümgününüm. Ma sab moba zonaretalab wirri pam ki namüla, akó marü aipan olmalbobatal wakósingül ki nümgününüm marüka. Blamana marü nidi mamórrórre, i ta sab bamórrórrón kwarile. Marü nidi bles mirre, i ta sab bles airrün kwarile.”

Isao bóktanórr wagó, “Oya Zeikob ngi gaoandó ngyesilóp! Ini ma nis ngima kürü ilklió aliónüm! Kürü ngaensingül amtómól dümdüm ipadórr, akó errkya ma kürü bles bóktan kuri ipüde!” Wa akó imtinürr wagó, “Ma ia kürünkü darrü bles ain bóktan koke irrmüta?”

Oya aba bóktan yalkomólórr oyaka wagó, “Turrkrru, marü ngyaben bwób sab alam kan koke yarile ini tüpan mórreldógab, ó akó ola sab gles mor babul yarile kwitümgab. Ma sab gazirr turriki gazirr namulo ngyabenóm, akó ma sab moba zoretan zaget pam namulo. A ma sab oyaka nóma bóka bamgün namulo, ma sab oya tangdógab ugón balkomolo; ma sab ul baino oya müp amarrudügab.”

Isao tóba ab wata yatolórr wagó, “Ba, marü wata darrpan bles bóktana? Ba-óe, kürü ta bles kyó!” Wa wirribóka yón sabinürr.