آیات محبوب کتاب مقدس از यूहना 1

به اشتراک گذاشتن

पण कीं लोगां बिनै स्वीकार करयो अर बिं पर बिस्वास राख्यो, ईंखातर बण बानै परमेसर गी उळाद होण गो अधिकार दियो।

संसार बणण ऊं पेलां बचन हो। बचन परमेसर हो, अर बो बचन परमेसर गै सागै हो।

जद ईं संसार गा लोग अन्धेरै में हा तो बांगै उपर एक जोती चमकी। पण लोगां बिं जोती नै आपगै उपर चमकण कोनी दी।

अर बो बचन माणस गो रूप लेगे पैदा होयो अर आपणै बिचाळै रेयो। बो कितो म्हान है। ओ म्हे देख्यो है। अर बो ई परमेसर गो एकलोतो बेटो है, ईंखातर परमेसर बिनै बडाई दी है। बिंगी किरपा सदां आपणै उपर रेवै अर परमेसर गो साच आपणै पर परगट होयो है।

बिं बचन गै द्वारा परमेसर संसार गो सारो कीं बणायो। संसार गी कोई बी चीज बिंगै बिना कोनी बणी। बिमै सारा नै जीवन देण आळो जीवन हो झिको परमेसर गी सचाई नै एक जोती गी तरियां लोगां गै बिचाळै परगट करै है।

दूसरै दिन यूहना यीसू नै आपगै कनै आवंता देखगे केयो, ध्यान ऊं देखो, परमेसर बिनै एक मेमणियां गी तरियां भेज्यो है, झिको आपगा प्राण बलिदान कर'गे संसार गै सारै लोगां नै बांगै पापां ऊं मुकती दिरावैगो।

बो ईं संसार में ई हो अर ओ संसार बिंगै द्वारा पैदा होयो पण संसार बिनै कोनी पिछाण्यो। बो आपगै लोगां में आयो। पण आपगै लोगां बिनै स्वीकार कोनी करयो।

बा सच्ची जोती झिकी हर एक आदमी पर परमेसर गै सच्च नै परगट करै है बा जगत में आण आळी ही।

ओ सच्च है कै परमेसर मूसा गै द्वारा आपगो नेम दियो है, यीसू मसी गै द्वारा बण आपणै उपर किरपा करी अर आपगै बारै में सच्चाई परगट करी।