آیات محبوب کتاب مقدس از Oroome'i Asso 12

به اشتراک گذاشتن

Ka lasage ki'nnuwwik tiir haareechchi ihona bagaan ka uulli manni jor sawwite awwontakkotte. Oohim Waa'a liiransoo danaam muccur sawwit mada'e ihukkisa moo'llakka'a laqqakkamisinatte.

Iyyabbaayyuwwa, ki'nnuwwika orachcho Waa'a liiransoo'isina keesamaakkoo hee'oo kiti'mmisa issitakka'a Waa'ina hincaa'llakkamisina Waa'i qishixxatinne an ki'nnuwwa uunxoommo. Oohim Waa'ina garakka'a otossimma.

Neeyyatonne liirammehe. Hawwo iyyaqqitakkam keen ikkehe. Hundi ammanem Waa'a uunxehe.

Eroka issimminne jolle kaa'llehe bagaan jolli ki'nnuwwa kaa'oone.

Ki'nnuwwina'i ki'nnuwwim abbaayyuwwisa iittammehe. Ki'nnuwwina'i ki'nnuwwim lonsaqqammehe.

Ki'nnuwwik iitti hanqo'an ihona. Jora sabbehe; danaam luwwa qoxxissakka'a amaddehe.

Ki'nnuwwina xanamoohan ihulas manni hundinnem iittantakka'a hee'llehe.

Iittantakko'oo iyyabbaayyuwwa, Keesammi Kitaabanne «Waa'i ‹Baado miqisimmi iihane; an baado miqisoommo› yoolla» yamamaa kitaabamu bikkina Waa'i oogatona ullehe bagaan ki'nnuwwi anginne baado miqissakkotte.

Keesammi Ayyaaninne iibbitakka'a Moollannina awwaaddehe bagaan ceentakkotte.

Waa'i ki'nnuwwina uwwu amma'nnaxxisa tiirinne sawwi'llehe bagaan sawwimmi hasisoohaanniinsi hanaan sawwitakkambee'isina iina uwwamu eroomminne an ki'nnuwwina hundinam kuroommo.

Manni hundinam liiransoo luwwa issehe bagaan jora issu manchina dabattakka'a jora issitakkotte.

Ki'nnuwwina'i ki'nnuwwim mateeyyoominne hee'llehe. Ki'nnuwwi gaga hoffiissehe bagaan birantakkotte. Iinniinsi manbee'e yitakkotte.

Ee bikkina «Ki diinakkichchi sibaarukkaare itise; xeebe'ukkaarem agise. Ee'isa issitlas ixxaannonne horoorenne gii'l kashara tuubbootto» yamamaakko.

Ki'nnuwwa hawwisoo keeno maasse'llehe bagaan duuntakkotte. Liiramoo keeninne maqirem liirammehe; wi'lloo keeninnem wi'llehe.

Hawwu amma'nnaanina hara'mmehe. Koyya aa'llehe.

Niihaannonne orachchonne lobakat qaamafeet hee'ukkaarem ee qaamafeettuwwik bax matoyyo. Ee'isam neesem dut keen inkummaarem Kiristoosinne mat orachcho. Neese hundim mat manchonne yoo qaamafeettuwwisa.