آیات محبوب کتاب مقدس از Luuka 8

به اشتراک گذاشتن

Ʉlongo ʉgwɨ mboto, shifwani sha bhantu ɨbho hu golosu na hu mooyo gaabho aminza bhahulyʉmvwa izwi na hulikhate. Nantele bhahulibhombela ɨmbombo izwi na‑ajimbe mu mayɨmba gonti. Ʉhwo hu hwele amantongooni.”

Ʉlongo ʉgwa mu mimvwa, shifwani sha bhantu bha bhahulyʉmvwa izwi lya Ngʉlʉbhɨ, leelo pitagaalila mu lemvu waabho, ʉdeleganu, ʉtabhazi nɨ nsʉngwo ɨzya mu nsi vihubhakhata. Ɨvyo vya vihubhabhɨɨha huje, bhapootwe hulibhombele ɨmbombo izwi, hwa huje hupootwe ahwele amantongooni.

Ʉlongo ʉgwa pi‑ilyalawe, shifwani sha bhantu bha bhahulyʉmvwa izwi lya Ngʉlʉbhɨ na hulyambɨɨlɨle hu luseshelo lwonti, leelo bhapootwa ahwɨmɨɨlɨle hu dandamazu. Lyoli bhali nanshi imelela lya saga lisiizye amalandazi pa nsi tee. Abheene bhahwɨtɨha hu habhaazyo lwene, leelo lwa bhajelwa, bhahululeha ʉlwɨtɨho.

Ɨpo ʉYeesu ahabhabhʉʉzya abhasundwe bhaakwe ahaga, “Ʉlwɨtɨho lwenyu luli hwoshi?” Abhasundwe bhahaswiga na hwogope. Bhahanda abhʉzɨlɨzanye huje, “Ɨshi, ʉnʉ yʉ naanu wa‑akhajila ɨhaala ɨhali na mabhilingwa, vyope vihumʼmwʉmvwa lwene?”

Ʉlongo ʉgwa mwi‑idala, shifwani sha bhantu ɨbho bhatejeelezya izwi lya Ngʉlʉbhɨ, leelo hu habhaazyo hahaala ha bhahulyʉmvwa izwi lya Ngʉlʉbhɨ, ʉSeetano ahwɨnza, ahulyefwa izwi liila mu mooyo gaabho huje bhagandi humʼmwɨtɨshe na‑afyʉlwe.

Shɨnɨɨsho, ziila zyonti zya zili hu mfiso, zyahayimanyiha na‑abhe pa pazelu. Nantele ɨvintu vyonti vya vifisiilwe, vyahayivundulwa.

Ʉnʼshɨ ʉla lwa waalola huje, ʉYeesu waamanya zya zibhombɨɨshe, ahamʼmalila sha‑ayinga. Ahasugamila pitagaalila lyakwe, ahamʼmʉʉzya pitagaalila lya bhantu bhonti zya zyahamʼmɨɨshɨle huje, amʼpalamansye, nantele sha waapona lubhilo. ɄYeesu ahamʼmʉʉzya ahaga, “Nʼnɨndu, ʉponile pɨpo ʉli nʉ lwɨtɨho. Bhalaga hu tengaanu!”

Ɨpo abhasundwe bhahabhala hwa Yeesu, bhahanʼdaamuzya, bhahaga, “Wee Mwɨnɨ! Wee Mwɨnɨ! Taafwa!” ɄYeesu ahadaamuha, ahakhajila ɨhaala na mabhilingwa, vyope vyahapʉʉma, hwahabha myɨ!