آیات محبوب کتاب مقدس از Valoma 8

به اشتراک گذاشتن

Kangi twidzeela ukutigila, uNguluvi iilima amalimo mu madzwi gonda ukugahambusa ukuvedza manofu wiimila wa vaanu avakumwenda, avaakemeeliilwe kulingʼaana nu wugulume waakwe.

Pakuva ndiidzeela ndakyene ukutigila, sikookili ikiinu ikikutubaagula nu wende wa Nguluvi, yivedze fuwa enewuli wuumi, vavedze avanyamwandza enewuli imibepo imiviifu, ingʼaani idzili poodzili enewuli idziikwadza, nde fivedze figawa ifinya ngufu, ifiinu fya kukyanya, enewuli ku wulungu. Kangi, sikoofili nambe figawa ifingi fifivedzaga ifikutubaagula nu wende wa Nguluvi, we átuwoneesiidze wugendela mwa Kilisiti Yesu, uMutwa veesu.

Ndeeni, uMubepo uMwimike akututanga mu wutenda weesu. Situwudzeeliye ukulapangila kwa Nguluvi ukwivagila, napo kangi uMubepo uMwimike yumwene akutulapangilila kwa Nguluvi mu ngʼuuto idzisiilongeka.

Tutigile kiki ulwa mola iyo? Ngana uNguluvi ali lubali lwesu, ye ani ye ahadza akutulema?

Neke ukuvangila lino, kungaya lupedzo ku vaanu avali mwa Kilisiti Yesu.

Avaanu aviilongodzwa nu wumuunu uwa ndzanangifu mu mahoodzo gaawo, avo vakwihulila ifuwa. Neke kangi avaanu aviilongodzwa nu Mubepo uMwimike mu mahoodzo gaawo, avo vali nu wuumi uwa mbeepali nu lutengamaso.

Neke kangi nde luvedze dzonda idzo dzikutwadzila, uneefwe twideludza mbandu wugendela mwa Kilisiti ye akutwenda.

Uneene ndiiwona imumuko dzeesu dza musika ugu, si kiinu kulingʼaana ni ndolo dze alatuvilatulila uNguluvi pambele.

Kye kiinu kiki ikihadza kikutubaagula nu wende wa Kilisiti? Sikookili! UKilisiti akutwenda nde tuvedze tuli mu wubane, enewuli mu wufumbe, enewuli mu mumuko, enewuli wudagane, enewuli wufuula, mu lutalamu nde kuvedze ukufuwa.

UNguluvi ye iikomandza mu numbula dza vaanu, iidzeela amahoodzo ga Mubepo uMwimike, pakuva uMubepo uyo akuvalapangilila avafuuwa ngita uNguluvi yumwene kye iikeela.

Pakuva, vonda aviilongodzwa nu Mubepo uMwimike, avo ve vaana va Nguluvi.

Pakuva aviilongodzwa nu wumuunu uwa ndzanangifu, uluhala lwawo lwikeela ukulima indzanangifu. Neke kangi aviilongodzwa nu Mubepo uMwimike, uluhala lwawo lwikeela ukulima amalimo agakumukeeledza uMubepo uMwimike.

UNguluvi yumwene asamusungukiye uMuswamuve, nda haamu, amutawuwe afuwe wiimila weesu twivonda. Neke lino, ngana amutawuwe uMuswamuve wiimila weesu, ndakyene pamwinga nave ahadza akutupeela ifiinu fyonda.

UMubepo uyo, ye mwene ye iikoolela pamwinga ni numbula dzeesu ukutigila, uneefwe tuli vaana va Nguluvi. Ngana uneefwe tuli vaana va Nguluvi, apo uneefwe pamwinga nu Kilisiti, tuli vanya kuhaala fyonda fye átuviikiye uNguluvi. Luhadza lwivedza ewo, ngana tuhange mu mumuko pamwinga nu Kilisiti, apo pe peene pe tuhadza twihanga mu ndolo dzaakwe pamwinga nave.

Pakuva avaanu aviilongodzwa nu wumuunu uwa ndzanangifu mu mahoodzo gaawo, avo vali vatavangwa va Nguluvi, vasiikwidika nambe padebe ukugininiila imilagililwe gyakwe, kangi viilemwa ukugiidika.

Lwe lwene ifigawa fyonda fiidzindila mu wusuukwa, umusika ugwa kuvilatulwa avaana va Nguluvi.

Twidzeela ukutigila, ukufikila lino ifigawa fyonda fiivemba mu wuvafi ngita wa kuhola umwana.