آیات محبوب کتاب مقدس از Valoma 4

به اشتراک گذاشتن

Kangi asaali nu kwiganiya mu lufuuwo lwakwe ulwa luhuuvidzo lwe aapeeliilwe nu Nguluvi. Nda haamu, iiginaga ukukangadzwa mu lufuuwo lwakwe nu kumupeela indolo, pakuva aadzeeliye ndakyene ukutigila, uNguluvi asiilemwa ukulima dze amuhuuviidze.

Luli ngita uNguluvi kye amuhuuviidze uAbulahamu mu madzwi ga Wusimbe uWiimike ukutigila, “Ndíkuviikile uvedzage dadaawo va vaanu va nyi ndzoloofu.” UAbulahamu ali dadiisu wiimila wa kulufuuwa uluhuuvidzo lwa Nguluvi ulo, ye akuvapeela uwuumi avaafuwe, na ye iilagidza ifiinu fivedze poofili ifisinaa fivedzaga poofili.

UNguluvi amutawuwe uYesu afuwe, ukuta adzihedze indzanangifu dzeesu, kangi akumudzulubusaga, ukuta twidikilwe ukuvedza vagolofu.

UNguluvi amuhuuviidze uAbulahamu ukutigila, “Avaanu va kipelela kyako valaavedza voloofu ngita nondwe.” Nde luvedze amadzwi ago gaali matalamu ukugahuuvila, uAbulahamu agahuuviye nu kugafuuwa. Wiimila wa ago, iivedzaga dadaawo va vaanu va nyi ndzoloofu.

Lwe lwene ulo ukutigila, avaanu viikwanukila uluhuuvidzo lwa Nguluvi wugendela wa kumufuuwa. Lwali ewo, ukuta uluhuuvidzo ulo luvedzage wugendela wa lusungu ku vonda uAbulahamu ye ali dadaawo. Si kutigila avakugiidika imilagililwe ve veene aviikwanukila uluhuuvidzo ulo veene, nda haamu, na avo avakumufuuwa uNguluvi ngita uAbulahamu. Uneefwe twivonda, uAbulahamu ye dadiisu mu lufuuwo.

“Vafuunywa avaanu ávapyaniidzwe nu Nguluvi inongwa dzaawo, nu kuwodzwa indzanangifu dzaawo. Mufuunywa umuunu ye asiivalililwa nu Mutwa Nguluvi, ukuvedza munya ndzanangifu.”

UWusimbe uWiimike wiitigila wuli? Wiitigila, “UAbulahamu amufuuviilwe uNguluvi, mu ulo uNguluvi akumwidikilaga ukuvedza mugolofu.”