آیات محبوب کتاب مقدس از Vagalatya 6

به اشتراک گذاشتن

Lino tutane ukufulugala pa kulima inofu, pakuva umusika úguviikiilwe nu Nguluvi pe gúfikile, tuhadza twibena inofu ngana tusiidendewuka.

Neke lino, umusika guguvedzaga gwe tuli nago, tuvalimilage inofu avaanu vonda, hiilo avafuuwa vayiisu.

Mwitangage mu nalamu yuunye mwa yuunye, uko kwe kwene ukugiidika imilagililwe gya Kilisiti.

Mutanage ukudzangwa, uNguluvi asiibedwa. Fye ávyalile umuunu, fye fyene fye ahadza iibena.

Umuunu ye iivyala ukuwukeeledza uwumuunu waakwe wa ndzanangifu, ukuhuma mu wumuunu uwo ahadza iibena uwaanangifu. Neke kangi ye iivyala ukumukeeledza uMubepo uMwimike, ukuhuma mwa Mubepo uyo ahadza iibena uwuumi uwa mbeepali.

Vafuuwa vayangu, ngana mumuwone umuunu ágwiliye mu ndzanangifu, unyeenye ye mwilongodzwa nu Mubepo uMwimike, mumupilusage kuno muli ni numbula ya wuleele. Neke kangi mwiyangalilage, ukuta na yuunye mutane ukugemywa ukuniniila amalimo gaakwe.

Neke kangi, ngana umuunu akwiwona iivagila ukulutila avangi, kangi asikuvatanga avayagwe, uyo akwidzanga mwene. Nayula agelandzage amalimo gaakwe. Ngana gawoneke manofu, apo ahadza iivedza nu wiimilo uwa kwilumba kingaya kwivaganidza nu yungi, pakuva nayula iivagila ukutegula ikitegulo kyakwe yumwene.