آیات محبوب کتاب مقدس از Vaefeso 6

به اشتراک گذاشتن

Pakuva sitwihomana na vaanu mwe naanyi umu, nda haamu, twihomana na vatemi, avanya wutawulilwe, avanya ngufu ya lidugulu lya kiisi ili, na malugu ga mibepo imiviifu kukyanya.

Kangi mulapangilage ifigono fyonda pa kulongodzwa nu Mubepo uMwimike mu ndapangilo idzili poloofu. Wiimila wa ulo, muvedzage miiho nu kugina ukuvalapangilila aviimike vonda kitadendewuka.

Mufwalage ifyalukilo fyonda ifya magoha fye mwipeelwa nu Nguluvi, ukuta mwitengele nu wubanga wa Setano nu kwima sipi.

Wiimila wa ulo, mufwalage ifyalukilo fyonda ifya magoha fye mwipeelwa nu Nguluvi ukuta, ikigono ikya wuhosi pe kilaadza, mwime sipi, na pe mwivedza múlimile ifiinu fyonda fya kwitengela, muginage ukwima sipi.

Pamwinga ni fyonda ifyo, mukoleelage mu mawoko ingwembe ngita lufuuwo, ukuta yidzimye indibulo dzonda dza mooto ugwa Setano. Mukoleelage uwupoki ngita kofiya ya kyuma ya kukenga pa mutuwe. Kangi mukoleelage ilidzwi lya Nguluvi ukuhuma kwa Mubepo uMwimike ngita lipanga.

Neke lino, mwimage sipi, mufwalage indakyene ya Nguluvi ngita mukandalo mu kigudi, kangi mufwalage uwugolofu ngita kyuma kya kukenga imambaga. Kangi mufwalage indaatu mu magulu ngita Mola iNofu ya lutengamaso, ukuta muvedze mwígelaniidze ukwima sipi.

Lino pa kwapula, mwimage sipi wugendela wa kukamiingʼana kwenyo nu Mutwa Yesu nu kuhuuvila ingufu dzaakwe dzonda.

Kangi, pooluli ululagi ulwilonga uluhuuvidzo lwa kutala mu ndagi dzonda, ulo lwitigila, “Uvaginiyage udaado nu nyoko, ukuta waanukile ulufuunyo nu kwikala myaka gyoloofu mu nyi.”

Nye vaanaanye, muviidikage avavaha veenyo, pakuva múkamiingʼiiswe nu Mutwa, ulo lwe lukaani lunofu.