آیات محبوب کتاب مقدس از Malimo ga Vatume 5

به اشتراک گذاشتن

UPetulo na vatume vayagwe, vakumuhigaga viitigilaga, “Twivagila ukumwidika uNguluvi ukulutila avaanu!

Ifigono fyonda, vasaalekaga ukuwulanidza nu kudalika iMola iNofu mu lipaala lya tembeli na mu nyumba dza vaanu, ukutigila uYesu ye Mesiya.

Neke uPetulo atigilage, “Ananiya! USetano íingiye mu numbula yaako, ukuta umudzange uMubepo uMwimike nu kufiha amagoobeli agangi ge wáanukiye ku mugunda gwako? Umugunda ugo gukali gwako pe ukali usinaa ugudza. Pe ukaaviye úgudziidze, amagoobeli ge ukaanukiye, gakali mu milamulile gyako. Lino kye kiki úlamuwe mu numbula yaako ukulima amadzwi ngita aga? Usivadzangile avaanu, nda haamu, úmudzangile uNguluvi!” UAnaniya pe aapuliike ulo, baaho na baaho iifuwaga nu kuguwa paanyi. Vonda avaapuliike imola iyo, viikwibatwaga ni kitulo kikomi.

Lino ndikuvalongela ndiitigila, mutane ukulima kiinu na vaanu ava. Muvaleke, vahelelage ukwawo! Ngana amahoodzo gaawo na malimo gaawo, fiihuma ku vaanu, fihadza fiiyaga fyene. Neke kangi, ngana fiihuma kwa Nguluvi, mwilemwa kuvakaanidza, apo mwivedza mukwibeedza nu Nguluvi.”