آیات محبوب کتاب مقدس از Salomo ƒe Lododowo 2

Elabe Aƒetɔ ye naa nunya, eƒe nu mee sidzedze kple gɔmesese do tso.

Vinye, ne èxɔ nye nyawo, eye nèlé se siwo mede na wò la me ɖe asi sesĩe, ne èɖo to nunya nyuie, eye nètrɔ dzi ɖe eŋu, se egɔme, ẽ, ne èdi nunya deto kple ɣli, eye nèkɔ wò gbe dzi yɔ nugɔmesese, ne èdii abe klosalo ene, eye nèti eyome abe kesinɔnu si wotsɔ ɣla ene la, ekema àse Aƒetɔ -vɔvɔ̃ gɔme, eye àke ɖe sidzedze Mawu ŋu.

Edzraa nunya vavãtɔ ɖo ɖi na nuteƒewɔlawo, eye wòxɔna na mokakamanɔŋutɔwo. Ekpɔa nya dzɔdzɔe yomenɔlawo ƒe nuwɔnawo ta, eye wòdzɔa mawumemewo ƒe mɔ ŋu.

Elabe nuteƒewɔlawoe anɔ anyigba la dzi; ame mokakamanɔŋutɔwoe asusɔ ɖe edzi. Ke woatsrɔ̃ ame vɔ̃ɖiwo ɖa le anyigba la dzi, eye woaho ame maɖoŋuɖeŋuwo ɖa kple ke le edzi.

Nunya kple nugɔmesese aɖe wò tso nyɔnu dzeha, gbolo, si ɖea ami ɖe eƒe nyawo la si me. Eyama gblẽa eƒe ɖetugbimesrɔ̃ ɖi, eye wòŋlɔa nubabla kple eƒe Mawu be.