آیات محبوب کتاب مقدس از Luka 1

به اشتراک گذاشتن

Elabe naneke meli si wu Mawu ƒe wɔwɔ o.”

Maria xɔ edzi gblɔ be: “Kpɔ ɖa, nye la, Aƒetɔ la ƒe nyɔnudɔla ko menye. Wò nya la neva eme nam.” Tete mawudɔla la dzo le egbɔ.

Mawudɔla la ɖo eŋu nɛ be: “Gbɔgbɔ Kɔkɔe la ava dziwò, eye Dziƒoʋĩtɔ la ƒe ŋusẽ ado vɔvɔli ɖe dziwò; eya ta woayɔ vi si dzi ge nàla la be Kɔkɔetɔ, Mawu Viŋutsu.

Woyra wò, wò ame si xɔ se be nya si Aƒetɔ la na wogblɔ na wò la ava va eme.”

Kpɔ ɖa, èle fu fɔ ge adzi ŋutsuvi. Nàna ŋkɔe be Yesu. Anye amegã, eye woayɔe be Mawu Dziƒoʋĩtɔ la Vi. Aƒetɔ Mawu la aɖoe fiae abe tɔgbuia David ene, eye wòaɖu fia ɖe Yakob ƒe dzidzimeviwo dzi tegbee. Nuwuwu manɔe na eƒe fiaɖuɖu akpɔ o.”

Mawudɔla la gblɔ nɛ be: “Mègavɔ̃ o, Maria, elabe Mawu ve nuwò.