آیات محبوب کتاب مقدس از Mose I 27

به اشتراک گذاشتن

Mawu nena zãmu nadza tso dzi, nena wò anyigba nenyo. Nena bli kple wain nawɔ na wò fũu. Dukɔwo nesubɔ wò, eye ƒomewo nede ta agu na wò! Ɖu aƒetɔ ɖe nɔviwò ŋutsuwo dzi, eye dawò viwo nebɔbɔ ɖe tewò. Ame si ƒo fi de wò la, woaƒo fi adee, eye ame si yra wò la, woayra eyama.”

Esau gblɔ be: “Yakob ko woayɔ nɛ vavã! Zi eveliae nye esi wòlé afɔkpodzi nam hebam. Exɔ nye ŋgɔgbevinyenye va yi, azɔ egaxɔ nye yayra hã.” Eyi edzi bia tɔ́a be: “Mèsusɔ yayra aɖeke ɖi nam oa?”

Tete tɔ́a Isak gblɔ nɛ be: “Kpɔ ɖa, wò nɔƒe adidi tso anyigba wɔnu gbɔ, eye ànɔ adzɔge tso zãmu gbɔ. Wò aʋawɔyi dzi nànɔ agbe ɖo. Àsubɔ nɔviwò; evɔ ne èdze aglã ɖe eŋu la, àdo le eƒe ŋusẽ te.”

Esau ɖe kuku na tɔ́a vevie be: “Tɔ́nye, meɖe kuku, yayra ɖeka ma koe le asiwòa? Tɔ́nye, yra nye hã dzro!” Esau wó avi doo.