آیات محبوب کتاب مقدس از Mose II 7

به اشتراک گذاشتن

Aƒetɔ gblɔ na Mose be: “Kpɔ ɖa, mewɔ wò abe Mawu ene ɖe Egipte Fiagã dzi, eye mana nɔviwò Aron nanye wò gbeƒãɖela.

Ke mana Egipte Fiagã ƒe dzime nasẽ eye mawɔ dzesi kple nukunu geɖe le Egipte-nyigba dzi, ke Fiagã la maɖo to mi o. Maɖo asi Egipte dzi akplɔ nye aʋakɔ, nye dukɔ Israelviwo, ado goe tso Egipte-nyigba dzi to nu gã siwo mawɔ atsɔ ahe toe na wo la me.

Ne meho kple ŋusẽ ɖe Egipte ŋu, eye mekplɔ Israelviwo dzoe la, ekema Egiptetɔwo adze sii be nyee nye Aƒetɔ.”

Tete fiagã la yɔ Egiptetɔwo ƒe nunyalawo kple dzosalawo vɛ, eye wotsɔ woƒe vivimeŋusẽwo wɔ nukunu ma tututu: wo dometɔ ɖe sia ɖe tsɔ eƒe atizɔti da ɖe anyigba eye wotrɔ zu da, ke Aron ƒe atizɔti la lé wo tɔwo mi.

Esia nàtsɔ anyae be nyee nye Aƒetɔ nye esi: Kpɔ ɖa, mele atizɔti si le asinye la tsɔ ge aƒo Nil-tɔsisi la dzi, eye tsia atrɔ zu ʋu.

“Ne Egipte Fiagã la gblɔ na mi be: ‘Miwɔ nukunu aɖe míakpɔ’ la, ekema nàgblɔ na Aron be: ‘Tsɔ wò atizɔti da ɖe anyigba le Egipte Fiagã la ŋkume ne wòazu da.’ ” Ale Mose kple Aron woyi Egipte Fiagã la gbɔ, eye wowɔ nu si Aƒetɔ gblɔ na wo be woawɔ la: Aron ɖe asi le eƒe atizɔti la ŋu da ɖe anyigba le Fiagã la kple eŋumewo ŋkume, eye wòtrɔ zu da.