آیات محبوب کتاب مقدس از Mataayo 28

به اشتراک گذاشتن

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru. Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Hayo marayika uyo akabhabhoorera abhakari bhayo akabhugha, “Motatiina! Nyeeche kubha mwichiri komutabhara Yesu uno bhamumambiri mo‑musarabha. Taanyi hano, naryokiibhu koru mo‑bhaku kinya bhuno are abhabhooriire. Muuche morighi hano bhaare bhamuraariri.

Niho Yesu akabhabhoorera akabhugha, “Motatiina. Moghi mobhabhoorere abhahiiri bhaane bhaghëndë Ghariraaya niho bhakumböna.”

Mbe, abhakoro bha bhachaama bhayo bhaghatëmëërana haghirohamu na abhagharuka bha Bhayahuuti, bhakarwacha na ghwishererani kobhaha amasooya gha chambiiri chaaru abhaashirikare bhaare. Bhakabhabhoorera bhakabhugha, “Aribha omooto wowoose arabhabhoori ighoro e ghano ghaköruru mobhughe, ‘Obhotiko hano toore tomisiri chandöörö, abhaanabheegha bha Yesu ꞉mbiichiri bhakiibha erihundughu reeche.’ Amangʼana ghano gharamohikera Bhiraato, itu ntoghosiikëra nawe kubha motaacha ghusöha mo‑nyaako.” Niho abhaashirikare bhayo bhakiimoki chambiiri chiire na kobhoorera abhaato kinya abhakangati bha Bhayahuuti ꞉bhaabhabhooriire. Amangʼana ghayo ghaghasancha chwee mo‑Bhayahuuti, na mbakeere bharaghasiikëra mbagha reero.