آیات محبوب کتاب مقدس از Matie 28

به اشتراک گذاشتن

A mʋ 'bhlɩɩ 'fɩɩn 'mnö ‑yä a wlʋa ‑mɔɔ 'naa 'kʋgënyʋä. A 'ŋʋwa 'nyu 'wlu, 'Bäɔ ‑yä ɔ ‑Yowlio ɩyä Kplɔɔkplɔɔ‑wugɔɔ' 'ŋnöö 'mnö. Sa 'fɩɩn n ‑sonö'anyɩ lä nynä ‑mä a nʋ nä, a cɩwa sɔɔ. 'Nɩ ylɩɩ 'fɩɩn 'mnö nä, ‑amʋ n ‑kʋ'anyɩ yëku. 'Nɩ n yi'anyɩ yëku kʋ ‑aaa, 'nɩ zëkpëa' bhɩäylʋʋ yi ŋëë.

'Nɩ Zozii yiwa yëku 'jloo, 'nɩ ɔ yiwa soo, ɔ lä kä Laagɔ nyɛɛ'ɛ 'päwaa 'fɩɩn. N ‑kä 'päwä ‑mɔɔ Laagɔduu, 'nɩ n ‑kä 'sɩɩ 'päwä ‑mää ‑dʋdʋkʋ.

'Nɩ ‑Laagɔzuzuu yi 'ŋwnɩa soo, ʋ lä anyɩ nä ‑ŋänöö' 'bhlanyɩ ‑lä! N ‑yi sɔɔ nynä ‑mä Zozii‑ wa ‑bhoo lä 'kusuu 'yii nä, ɔmɔ a tään lä. Ɔɔ' ‑wʋ ‑mää ‑kʋ, ‑mä ɔ yä 'kuëë glɔɔ. Sä ɔ cii‑ bhlä nä, sɔɔ ɩ plö lä 'kʋ. A ni ‑lää wa puo‑ bhlä nä, a yi a 'kä wloo!

'Nɩ Zozii yiwa soo, ɔ lä ‑ŋänö 'nä 'bhlä'anyɩ ‑lä, ‑mä a mʋ ‑yä a soo 'naa bhelia nynä ‑mä wa mʋ Galilee‑bhlɩɛ 'mnö ‑mä ‑mɔɔ wa kä'ä lä 'nii.

'Cibhisänyʋaa' 'cifinyʋa nuu‑ lä wälɩɩ nä, kwa ‑yä ‑Dɔɔpänyʋa 'sɔ 'nii‑ ‑asilee' 'nɩ wa 'ŋʋʋ‑ 'kʋ, 'nɩ wa yi 'sʋjaa monii ‑bhutukpä 'nyɛ 'nɩ wa yiwa soo, wlä a kä ‑mʋ nä, a ci nynä ‑mä ‑a ‑kʋ 'ylaa 'nɩ ɔɔ' 'kʋgënyʋa ‑yi 'saboo, 'nɩ wa ghlüü‑ ɔɔ' ‑gɛzɛɛ. ‑Gɔmnɔɔ kɩ nuu‑ nä, ‑anyɩ, ‑a yio plɛɛ' bhlüa. ‑A yi gbä 'nɩ a 'nɩɩ ‑lä gbʋʋ' 'nii. 'Nɩ 'sʋjaa yi monie 'kʋ 'bhlü. Sä nyɩkpaa ‑sonʋwa bhlä nynä wa nʋ nä, 'nɩ wa yi sɔɔ nʋ. ‑Kpläkplö‑dönö 'sʋjaa ‑bie ylä nä, ɩ ‑bhlü 'Zufʋ‑bhlɩɛ 'fɩɩn. Ɩ ‑kʋ sɔɔ ‑kaaa 'nɩ ‑zɩkä.