آیات محبوب کتاب مقدس از Matie 18

به اشتراک گذاشتن

'Nɩ dä nyɩkpa 'sɔ ‑yä taa yi lä 'wlu 'wlää 'naa 'ŋnöö 'mnö nä, n ‑kʋwa nëëdë.

‑Nʋawlɛɛ 'mnö n sonö'anyɩ nynä anyɩ nëëdë nyɩkpa 'sɔ kä ‑mää 'ylʋzɔɔ 'kʋ 'ŋʋʋ 'nɩ n 'Bäɔ ‑kʋ lä ‑mɔɔ ‑Laagɔɔ' nä, wa kɔ lʋʋ 'ylää nä, ɔ yiwanyʋ 'nyɛ.

Wa ylää‑ lä sɔɔ nä kä Zozii laa‑ 'yulɛɛ, 'nɩ ɔ yiwanyɔ nëëdë 'ŋʋ 'nɩ ɔ yiwa soo, ɔ lä ‑nʋawlɛɛ 'mnö, n sonö'anyɩ ‑mä, anyɩa' nʋnʋgbɩ 'nö 'cɩcɩ‑ 'nɩ a 'nö plöö‑ nynä 'yuë 'tɩkɩɩlɩä nä, aa' ‑lä Laagɔɔ' 'Leyiduu 'mnö plä.

Nyɩkpɔ kä ɔ yëku ‑dʋdʋkʋ ‑lä, 'nɩ ɔ kä plöö‑ nynä 'yunɔ nä, ‑lɔɔ' nyɩkpɔɔ, ɔmɔɔ‑ 'ghlü lä ‑mɔɔ Laagɔɔ' 'Leyiduu 'mnö.

‑Ɔ gä 'yunɔ 'bhisäkʋʋ 'yu 'nägäsä ‑klä 'naa 'ŋnöö 'mnö nä, ‑lɔɔ' nyɩkpɔɔ, ‑amʋ ɔ ‑klä lä 'sɩɩ 'nägäsä.

‑Nʋawlɛɛ 'mnö n sonö'anyɩ nynä anyɩ, a kä lʋʋ ‑mää 'ylʋzɔɔ ‑gʋä nä, ‑mɔɔ Laagɔduu' nä, ‑lɔɔ' ‑lʋʋ yi 'sɩɩ gʋɔ. 'Ɩzä kä a kä lʋʋ ‑mää 'ylʋzɔɔ ‑blisie nä, ‑mɔɔ Laagɔduu' nä, ‑lɔɔ' ‑lʋʋ, ʋ yi 'sɩɩ blisio.

Nä, a 'nö a ‑liesɩ cie nä, ‑a 'Bäɔ ‑kʋ lä ‑mɔɔ ‑Laagɔɔ' nä, sɔɔ ɔ 'kanyɩ lä 'sɩɩ klä.

'Ɩzä kä nyɩkpɔ kä ‑gbä 'nɩ 'yua ‑wa ‑kä lä 'naa pɔlötɛtɛ nä, waa' pää' lɔɔ ‑bhlo kä nyenyii' ‑bhlüü nä, ‑lɔɔ nyɩkpɔɔ, ɩ ‑ŋwa bhä 'kʋ nynä ‑mä wa gʋänöɔ cɛkʋ 'kädʋ ‑blɩɩ' ‑yä wa pänöɔ jiee'.

Säsä a bhobho bhä ‑zi wälɩklë nää? Nyɩkpɔ kä 'bhabhlö gwlɩ ‑ngbü (100) ‑kä, 'nɩ ɩɩ' nëëdëë' lɛɛ ‑bhlo kä ‑too nä, 'bhabhlöö' gwlɩ ‑mɔɔnä 'nɩ 'kʋgbä ‑pɛɛnä ‑tonöɔ. ‑Mä ɔ bhɩ yëku 'nɩ ɔ tii ‑mɔɔ 'küküü nëëdë, 'nɩ ‑lɛɛ ‑bhlo ‑ɛ ‑too lä nä, ɔ mʋɛ tään ‑kää. Yio ‑a?