آیات محبوب کتاب مقدس از Joshua 1

به اشتراک گذاشتن

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, TOPA na Pathian sia na paina theampo ah nang taw kong omkhawm hi,” ci hi.

Na biakpiakna sungah Thukham Laibu sia sim vateei tawntung tu ni hi. Sun taw zan taw tuasia kantel in a ki at theampo na zui hamtang vun. Tuasia ciang na nuamsa tu a, zawna na nga tu hi.

Na thin khosak in a kimuang po in; tuaciang ka naseampa Moses ii hong piak Thukham a buppi in na zui hamtang in. Tuate khat zongh na ngaingon heak in, tua hi le na paina theampo ah zawna na nga tu hi.

Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

Na thin khosak in a kimuang in, banghang ziam cile a taanghpupite tungah ka kamciamsa hi ngam le lei a laak uh ciang hi mite ii lampui pa na hi tu hi.

Moses tungah ka ci sa bangma in nang le ka mite theampo ii na si natu leitang a buppi in kong pia zo hi.

Ama in, “Ka naseampa Moses thi zo hi. Tu in kithoai in, nang le Israel mite theampo awng, amate tungah ka piaksa ngam ah a tum tu in Jordan ngun kaantan vun.

TOPA ii naseam Moses thi zawkciang, Moses a hu, Nun ii tapa Joshua sia TOPA in paupui hi.

Na ngamngi te sia thangsang sennealngam panin saksang Lebanon Mualpite dong kithung to tu hi; nisuana sang Ngunpi lian Euphrates pan Hit te ngam kaantan in, nitumna sang Mediterranean Tuipi dong hi tu hi.

Na thuneina hong thusim ngawlte le na thupiakna khat pawpo hong ni ngawlte in thina thuak tu hi. Na thin khosak in a kimuang in,” ci in zo kik uh hi.

pai kawkoai in sawl a, mite tungah hi bangin thupiasak hi, “Nguai an pawlkhat taw kinging vun, banghang ziam cile tu zo ni thum sung, TOPA na Pathian ii hong piak ngam le lei a la tu in Jordan ngun na kaantan tu uh hi.”