آیات محبوب کتاب مقدس از Pusuana 32

به اشتراک گذاشتن

Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

TOPA in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi. A zui tu in ka thupiak lampi pan pial zo hi; khamh khuital vawtin bia uh a, sangaw biakpiakna pia zo uh hi. Amate in hisia Egypt pan a pusua pui amate ii pathian hi ci uh hi.

Tua zawkciang Aaron in khamh khuital mai ah biaknatau khat vawtin, “Zing ciangin TOPA patoaina in poai kikhaam tu hi,” ci in taangko hi. A zing ciang zingtuungin amate in nganhing pawlkhat sangaw meihal biakpiak natu le a dangte sia kipawlkhop biakpiakna ah neak tu in hong paipui uh hi. Tua poai ah mite tokhawm in etlawm ngawl za dongin neakna dawnna le numei le pa paktatna suaksak uh hi.

A zing ciang Moses in mipite tungah, “A cizathuai mawna khat vawt zo nu hi. Ahizong tu in mualtung TOPA kungah ka na paito kik tu a; note mawmai natu nga thei tha tu khi hi,” ci hi.