آیات محبوب کتاب مقدس از Thuhil kikna 8

به اشتراک گذاشتن

Na hau natu in vaangletna hong pia pa sia TOPA na Pathian a hina thu phawk vun. Ama in hi bangin hong sep sia na taanghpupite taw a vawt thuciam tungah tuni dongin a thumaan laina hang ahi hi.

Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, TOPA ci theampo suang tu a hina thu hong hil nuamin ama in hi bang hong vawt hi.

A bosa kum sawmli sung TOPA na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

Tua hi a, noma vaangletna le na thahatna uh taw hau khu hi, ci in ngaisun ngei heak vun.

“TOPA na Pathian na mangil peuma heak vun. Tuni in kong piak a thukham khat zongh khe ngawlin zui vun.

Pa in a tate a hil a tek bangin TOPA na Pathian in hong hilin daan hong piak hunlam phawk vun.

Na du theampo na nei tu uh a, ngampha hong piakna hangin Pathian tungah lungdam na ko tu uh hi.

Tuabang ahiciang TOPA hong thupiak bangin vawt vun: a thukhamte bangin nungta vun a, zui vun.

Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi.

Na du theampo nei a, na teen natu uh innphate na sak uh ciang, noma khui le tuu, ngunn le khamh, tuaciang a dang na neisa theampo a khanto ciang, kiphasak heak vun a, na saltanna, Egypt pan hong suatak TOPA na Pathian mangil peuma heak vun.

TOPA na Pathian in leiphana ngam — ngunte le ciktuite, mualtung le leikuam ah a luang leinuai luituite omna ngam; zungtaang, mangtaang, sapit, thei, talee, olive le khuaitui te a pianna ngam phana ah hong paipui hi. Tualai ah na ngilkial ngeingawl tu a, kisapna na nei ngei buatu uh hi. A suangte sungah thik om a, mualte panin taausan na to thei hi.

“Note nungta in pungin na khanto thei natu uh le na taanghpupite tungah piak tu a, TOPA kamciamna ngam na nga thei natu uh in tuni in kong piak thukham theampo thumaan takin zui vun.

Hi kum sawmli sungah na puante siacip ngawl a, na peangte tum ngawl hi.

Ama in note sia a ngu nei ngulte le aikamte omna tua a lauhuai sennealngam zai hong kaantan pui hi. Tui om ngawlna, tua lei kona ngam sungah note atu in suangpi sung pan tui luangsak hi.