آیات محبوب کتاب مقدس از Thuhil kikna 10

به اشتراک گذاشتن

“Tu in Israel mite awng, TOPA na Pathian ii note tungah hong nget thute pha tak ngai vun: TOPA bia vun a, hong thupiak theampo zui vun. Na thin theampo uh taw ama it in, a na seam tavun a, a thukham theampo zui vun. Note phattuam natu in tuni in tuate kong pia hi.

TOPA na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

Tua ahiciang tu pan kipan TOPA thu ni tavun a, na thinpuisak nawn heak vun.

Ama in tangate le meingongte a pha in vawt a, eite sungah a teang ngamdangmite it in, an le puansilhte pia hi.

Ama pok vun — ama na Pathian uh hi a, noma atu a vawt a lian le a lamdang nate na mit mama uh taw mu nu hi.

TOPA na Pathian ii thu ni in ama bek bia vun. Ama tungah thumaan in ama min bek suangin na kamciamna te vawt vun.

A saangbel vantungte ngawngawn TOPA neisa hi a, leitung le a tung a om na theampo zongh ama ii neisa ahi hi.

Tua ahikom tua ngamdangmite tungah itna lak vun, banghang ziam cile note khatvei Egypt ngam ah ngamdangmi ma hi ngei nu hi.