آیات محبوب کتاب مقدس از G%E9nesis 27

به اشتراک گذاشتن

I Dios chuya na li jab' puwi atikon, xaq chuya ni b'eyomal chawe re uwach ulew, chi are k'iyal taq trigo xaq k'iyal taq uva. Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

I ma Esaú xub'ij: —Nechari chi ma Jacob ub'i, man are ukamul iri chi kinut'oro: Nab'e xumaj in-atzil, wo'or xaq xumaj chik utzil chomal chwe: ¿Xatab'a nti chik jun utzil chomal awu' re kaya chwe yin? —Xcha.

Are uri uqajaw xub'ij che: “Lik naj na katk'iji wi che i b'eyomal re uwach ulew, xaq naj na katk'iji wi che i jab'. Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

I ma Esaú x-on chik pen utz'onoxik utzil chomal che uqajaw, xub'ij: —Tat, ¿Xatab'a xa jun utzil chomal o awu'? Lik chaya ni utzil chomal pinwi yin —xcha. Are xb'itaj ile rumal, xsik'in che o'ej.