آیات محبوب کتاب مقدس از മത്തായി 23

به اشتراک گذاشتن

ണിമ്മ്‌ദ് കൂട്ടാത്തിലി എല്ലാര്‌ണാമ് ബ്‌ഡ ബെല്ല്യവാ് ആയിര്‌ക്കവാ് ണിമാക്കെല്ലാര്‌ക്ക്‌മ് ബേ്ണ്ടി ഓരാഡ്‌റവാനാഡൊ.

തനാണതാനെ ഉജാത്തി കെ്ട്ട്‌റവാന താത്തി കെ്ട്ടുവാ്. തനാണതാനെ താത്തി കെ്ട്ട്‌റവാന ഉജാത്തി കെ്ട്ടുവാ്.>>

ബക്‌ദിക്കാറാരായി ണഡിക്ക ബേദ ബാത്ത്യലാമ് പരിസലാമ് ആയിര്‌ക്കവാരെ, ണിമാക്ക് സെറ്റെ കജട്ട കജട്ടത്തെ. കല്‌പൂരതൊളസി, അയിമോദഗ, ജീരാഗെ ഇദിലിര്‌ന്തെല്ല സാമിക്ക് ണിമ്മ പത്തിലി ഒരു പങ്ക് കൊഡുക്കേര്. ആന ണേര്‌മെക്കാറാനായി ഇര്‌ക്കാദ്‌ണാമ്, സാമ്യോഡെ ണമ്പിക്കെ ബെത്ത് ണഡാക്കവാനായി ഇര്‌ക്കാദ്‌ണാമ് കറ്‌മ്മ പ്‌ഡിക്കവാനായി ഇര്‌ക്കാദ്‌ണാമ് ഇച്ചെ ബെലെ ഉള്ള കാര്യഗണ ണിമ്മ തള്ള്‌റേര്. മുദ സെയ്‌ദ കാര്യണ തള്ളാദേമ് റണ്ടാവദ് സൊന്ന കാര്യ സെയ്‌ദ്‌മിര്‌ക്കുഡൊ.

ബക്‌ദിക്കാറാരായി ണഡിക്ക ബേദ ബാത്ത്യലാമ് പരിസലാമ് ആനവാരെ, ണിമാക്ക് സെറ്റെ കജട്ട കജട്ടത്തെ. ണിമ്മ ക്‌ണ്ടിഗണാമ്, ഗളാസ്‌ണാമ് ബെ്ള്യെ ണലമായി കച്ച്‌റേര്. അദേപാസെ ണിമ്മ ബെ്ള്യെ ണല്ലവാരാനാല്‌മ് ണിമ്മ് മനേസ്സ്‌ക്കുള്ളുക്ക് എത്തിനി കെ്ഡേത്താല്‌മ് മദിവരാത്ത ആസെപാഡ്‌മ്, മിദിമീ്റി സെയ്യ ഉള്ള എല്ല കെ്ട്ട ണെനേവുഗാമ് തുമ്പിര്‌ക്ക്‌ദ്.

<<എര്‌സലേമെ, എര്‌സലേമെ, ണീ സാമിദാസ്‌ഗണ കൊന്റവാമ് ണിന്ന് പട്ട്‌ക്ക് സൊല്ലിബ്‌ട്ടവാര്‌ണ കല്ല് എ്റിന്ത് കൊന്റവാമ്‌ത്തെ. കോയി തന്ന് കുഞ്ചിഗണ ഇ്റാക്കെക്കുള്ളുക്ക് ബെക്ക പാസെ ണിനാണ എന്ന് പട്ട്‌ക്കെ സേത്തി ബെക്ക്യ എത്തിന്യൊ ജമ്പ് എനാക്ക് മനേസ്സിര്‌ന്ത്‌ദ്. ആന ണിനാക്കൊ അദ് പ്‌ഡിക്കാലെ.

അദേപാസെ ആള്‌ഗ ണിമാണ ബെ്ള്യെ ണോഡുഗാട്ടി ണിമ്മ ണേര്‌മെക്കാറാര് എന്ത് അവാര് ണെനേക്കാര്. ആന ണിമ്മ് മനേസ്സ്‌ക്കുള്ളുക്ക് ബക്‌ദിക്കാറാരായി ണഡിക്ക ണഡിപ്പ്‌മ് കെ്ട്ട എ്ണ്ണഗാമ് തുമ്പിര്‌ക്ക്‌ദ്.