آیات محبوب کتاب مقدس از गलातियन 6

به اشتراک گذاشتن

एसे हम पंचे निकहे कामन काहीं करँइ माही साहस न छोंड़ी, काहेकि अगर हम पंचे भलाई के काम करतय रहब, त सही समय आमँय पर हमहीं पंचन काहीं ओखर प्रतिफल जरूर मिली।

एसे जहाँ तक होइ सकय, हमहीं पंचन काहीं सगले मनइन के साथ भलाई करँइ चाही; खास करके बिसुआसी भाई-बहिनिन के साथ।

अउर तूँ पंचे एक दुसरे के कमी-घटी काहीं पूर करा, अउर इआमेर से मसीह के बिधान काहीं पूर करा।

तूँ पंचे धोखा न खा, परमातिमा के मजाक नहीं उड़ाबा जाय, काहेकि मनई जउन बोबत हय, उहय काटत हय।

काहेकि जे कोऊ अपने बुरे बिचार के बीज बोबत हय, त उआ अपने बुरे बिचार के व्दारा बिनास रूपी फसल काटी, अउर जे कोऊ आत्मा के खातिर बीज बोबत हय, उआ आत्मा के व्दारा अनन्त जीबन रूपी फसल काटी।

हे भाई-बहिनिव, अगर तोंहरे पंचन म से कोऊ कउनव अपराध माहीं पकड़ा जाय, त जउन तूँ पंचे आत्मा के मुताबिक चलते हया, नम्रता के साथ, सही गइल म आमँय माहीं ओखर मदत करा, अउर तुहूँ पंचे सतरक रहा, जउने कउनव परिच्छा माहीं न परा।

काहेकि अगर कउनव मनई काबिल नहिं आय, तऊ अपने-आप काहीं काबिल समझत हय, त उआ अपने-आप काहीं धोखा देत हय। एसे तोंहरे पंचन म से हरेक जन, अपने-अपने कामन के जाँच-परताल कइ लेय, अउर जब अपने कामन के जाँच कइ लेई, तब ओही दुसरेन के बारे माहीं नहीं, बलकिन अपनेन निकहे कामन के बारे माहीं घमन्ड करँइ के मोका मिली। काहेकि हरेक जन काहीं आपन-आपन जिम्मेबारी खुदय उठामँइ परी।