آیات محبوب کتاب مقدس از गलातियन 4

به اشتراک گذاشتن

अउर तूँ पंचे परमातिमा के लड़िका बन गया हय, एसे परमातिमा अपने लड़िका के आत्मा काहीं हमरे पंचन के हिरदँय माहीं पठइन हीं, जउन हे अब्बा, हे पिता कहिके परमातिमा काहीं गोहराबत हय। एसे तूँ पंचे अब नोकर नहीं रहि गया, बलकिन लड़िका बन गया हय। अउर तूँ पंचे जब अब लड़िका आह्या, त परमातिमा तोहईं अपने राज के बारिसदार घलाय बनाइन हीं।

पय जब परमातिमा के द्वारा निस्चित कीन समय पूर होइगा, तब ऊँ अपने लड़िका काहीं पठइन, जउन मेहेरिआ से पइदा भें, अउर मूसा के बिधान के अधीन रहिके ओखर पालन करत रहे हँय। जउने मूसा के बिधान काहीं मानँइ बालेन काहीं ओखे अधीनता से छोड़ाय लेंय, अउर हमहीं पंचन काहीं बारिसदार होंइ के पूर हक्क मिलय।

पय अब त तूँ पंचे परमातिमा काहीं पहिचान लिहा हय, इआ कि इआमेर कही, कि परमातिमा तोंहईं पंचन काहीं पहिचानिन हीं, त पुनि तूँ पंचे उन निबल अउर निकम्मी मूसा के बिधान के सिच्छा के बातन काहीं काहे मनते हया, अउर पुनि उनखर दास काहे होंइ चहते हया?