آیات محبوب کتاب مقدس از कुलुस्सियन 2

به اشتراک گذاشتن

एसे जइसन तूँ पंचे मसीह यीसु काहीं, प्रभू मानिके सोइकार कइ लिहा हय, त उहयमेर उनखे बचन के मुताबिक चलत रहा। अउर मसीह माहीं जड़ कि नाईं मजबूती के साथ आँगे बढ़त जा, अउर जइसन तोंहईं पंचन काहीं सिखाबा ग रहा हय, उहयमेर बिसुआस माहीं मजबूत होत चले जा, अउर परमातिमा काहीं जादा से जादा धन्यबाद देत रहा।

अउर सचेत रहा, कि कोऊ तोंहईं संसार के लबरी ग्यान से धोखा दइके, बिसुआस से भटकाय न देय, काहेकि इआ मनइन के पुरान परम्परन के बिचारन, अउर पुरान समय से चली आय रही संसारिक सिच्छन के लबरी ग्यान आय, एखर मसीह के बचन से कउनव लेन-देन नहिं आय।

अउर तूँ पंचे अपने पापन के कारन अउर बिना खतना के देंह के कारन आत्मिक रूप से मरे रहे हया, पय परमातिमा तोंहईं पंचन काहीं मसीह के साथय-साथ अनन्त जीबन दिहिन हीं, अउर हमरे पंचन के सगले पापन काहीं हमेसा के खातिर माफ कइ दिहिन हीं। अउर परमातिमा उआ अभिलेख काहीं, जउन हमरे पंचन के बिरोध माहीं रहा हय, हमरे पंचन के बीच से हटाय दिहिन हीं, अउर ओही क्रूस के ऊपर खीलन से ठोंकिके नस्ट कइ दिहिन हीं।

काहेकि परमातिमा अपने सगली भरपूरी के साथ मसीह माहीं निबास करत हें। अउर उँइन सगले सासन करँइ बालेन, अउर अधिकारिन के ऊपर अधिकार रक्खँइ बाले आहीं, अउर तूँ पंचे उनहिन के द्वारा भरपूर होइ गया हय।

एसे खाँय-पिअँइ के चीजन के बारे माहीं इआ कि तेउहार मनामँइ के बारे माहीं, इआ नबा चाँद नाम के तेउहार मनामँइ के बारे माहीं, इआ पबित्र दिन के बारे माहीं कोहू काहीं फँइसला न करँय दिहा। काहेकि ईं सगली बातँय आमँइ बाली बातन के छाया आहीं, एसे कि सगली चीजँय मसीह के आहीं।