آیات محبوب کتاب مقدس از खास चेलन 3

به اشتراک گذاشتن

एसे तूँ पंचे आपन मन फिराबा, अउर परमातिमा के तरफ लउटि आबा, जउने तोंहार पंचन के पाप धोबरि जाँय, अउर तोंहईं सान्ती अउर आनन्द मिलय।

तब पतरस कहिन, “सोन-चाँदी त हमरे लघे नहिं आय; पय जउन हमरे लघे हय, उआ तोंहईं देइत हएन, यीसु मसीह नासरी के नाम से चलँइ लागा।”

अउर पतरस ओखर दहिना हाँथ पकड़िके ओही उठाइन, अउर तुरन्तय ओखे गोड़े अउर जाँघन माही ताकत आइगा। अउर उआ कूदिके ठाढ़ होइगा, अउर रेंगँइ लाग; अउर रेंगत, कूदत परमातिमा के स्तुति करत उनखे साथ मन्दिर माहीं ग।

अउर उनहिन के नाम से, उआ बिसुआस से जउन उनखे नाम माहीं हय, इआ मनई काहीं जेही तूँ पंचे देखते हया, अउर जनतेव हया, सामर्थ मिली हय; अउर निस्चित उहय बिसुआस, जउन उनखे द्वारा हय, एही तोंहरे सगलेन के आँगे बेलकुल नीक-सूख कइ दिहिस ही।