آیات محبوب کتاب مقدس از खास चेलन 1

به اشتراک گذاشتن

पय जब पबित्र आत्मा तोंहरे ऊपर अई, तब तूँ पंचे सामर्थ पइहा; अउर यरूसलेम सहर अउर यहूदिया अउर सामरिया प्रदेसन माहीं, अउर धरती के छोर तक हमार गबाह होइहा।”

यीसु उनसे कहिन, “ऊँ समयन, इआ तिथिअन काहीं जानब तोंहार काम न होय, जिनहीं परमपिता खुद अपने अधिकार माहीं रक्खिन हीं।

अउर उनसे मिलिके उनहीं हुकुम दिहिन, कि “यरूसलेम सहर काहीं न छोंड्या, बलकिन पिता के उआ वादा के पूर होंय के इन्तजार करत रह्या, जउने के चरचा तूँ पंचे हमसे सुन चुके हया। काहेकि यूहन्ना त तोंहईं पानी से बपतिस्मा दिहिन हीं, पय अब कुछ दिनन के बाद, तूँ पंचे पबित्र आत्मा से बपतिस्मा पइहा।”

अउर अपने मउत के बाद ऊँ बहुतन काहीं पक्के सबूत देखाइके, अपने-आप काहीं चेला लोगन के आँगे जिन्दा देखाइन, अउर चालिस दिन तक ऊँ उनहीं देखाई देत रहिगें, अउर परमातिमा के राज के बारे माहीं बताबत रहिगें।

इआ कहे के बाद उनखे देखतय-देखत, यीसु ऊपर स्वरग माहीं उठाय लीन गें; अउर बदरी उनहीं चेलन के आँखी से ओझल कइ दिहिस।

अउर उनखे ऊपर जात समय चेला लोग अकास कइती देखत रहे हँय, त देखा, दुइठे मनई उजर ओन्हा पहिरे उनखे लघे आइके ठाढ़ होइगें। अउर कहँइ लागें, “हे गलील प्रदेस के रहँइ बाले मनइव, तूँ पंचे काहे ठाढ़े टकटकी लगाए स्वरग कइती देखते हया? ईंन यीसु, जउन तोंहरे लघे से स्वरग माहीं उठाय लीन गे हँय, जउनमेर से तूँ पंचे उनहीं स्वरग काहीं जात देखे हया, उहयमेर से ऊँ पुनि अइहँय।”