آیات محبوب کتاب مقدس از 1 कुरिन्थियन 1

به اشتراک گذاشتن

बलकिन संसार के लोगन के द्वारा मूरुख समझे जाँइ बाले मनइन काहीं, परमातिमा चुनि लिहिन हीं, कि जउने खुद काहीं ग्यानी समझँइ बाले मनइन काहीं, उनखे द्वारा लज्जित करँय, अउर परमातिमा संसार के लोगन के द्वारा निबल समझे जाँइ बाले मनइन काहीं चुनि लिहिन हीं, जउने खुद काहीं बलमान समझँय बाले मनइन काहीं लज्जित करँय।

काहेकि मसीह के क्रूस माहीं बलिदान होंइ के खुसी के खबर, नास होंइ बाले मनइन के नजर माहीं मूर्खता आय, पय हमरे पंचन के खातिर जे कोऊ मुक्ती पाय रहेन हँय, उआ परमातिमा के सक्ती आय।

अउर कुछ मनई इआ कहत हें, कि परमातिमा इआ काम कइके मुरखईं के काम किहिन हीं, पय परमातिमा जउन कुछू किहिन हीं, उआ मनइन के कामन से जादा बुद्धिमानी के काम हय; अउर कुछ मनई कहत हें, कि परमातिमा के निबलता, मनइन के सक्ती से खुब बढ़िके ही।

परमातिमा बिसुआस के काबिल हें, अउर ऊँ तोहईं पंचन काहीं अपने लड़िका अरथात हमरे पंचन के प्रभू यीसु मसीह के संगति माहीं बोलाइन हीं।

हे भाई-बहिनिव, हम अपने प्रभू यीसु मसीह के नाम से तोंहसे इआ बिनती करित हएन, कि तूँ पंचे सगले जने एकय बात कहा, अउर तोंहरे बीच माहीं फूट न परय, पय एक चित्त होइके अउर एकयमेर के उद्देस्य रखिके आपस माहीं मिले रहा।

त कहाँ हय ग्यानी? कहाँ हय मूसा के बिधान सिखामँइ बाला? कहाँ हय इआ संसार के बिबादी? का परमातिमा इआ संसार के ग्यान काहीं मूर्खता नहीं ठहराइन?