Aŋ teŋ a paapa kir ji bədoona aduubə də kumsəŋa ba. Hulum bəlaŋ ne minti tó jəə la ku boblo aduubə dəŋaŋ, wə jəə la haa hulum bə minti ji joŋreŋ a nəənəŋ ɗaw. Hulum bəlaŋ ne minti tó jəə la hulum bə ajew aduubə dəŋaŋ, wə jəə la haa kafkam kə mindi mindi mo guudəŋa ɗaw. Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»