آیات محبوب کتاب مقدس از Gníomhartha 1

به اشتراک گذاشتن

Ach gheobhaidh sibh neart an Spioraid Naoimh atá le tuirlingt oraibh agus beidh sibh in bhur bhfinnéithe orm-sa in Iarúsailéim agus ar fud Iúdáia go léir agus na Samáire agus a fhad le himeall an domhain.”

Ach dʼfhreagair sé iad: “Ní haon chuid de bhur ngnósa é eolas a fháil ar na hamanna ná ar na tráthanna atá leagtha amach ag an Athair as a údarás féin.

Uair dá raibh sé ina gcuibhreann dʼordaigh sé dóibh gan corraí ó Iarúsailéim ach fanacht ann go dtí go gcomhlíonfaí gealltanas an Athar, “An gealltanas úd,” ar sé, “ar chuala sibh mé ag trácht air: rinne Eoin baisteadh le huisce, ach déanfar sibh-se a bhaisteadh leis an Spiorad Naomh i gceann beagán laethanta.”

I ndiaidh a pháise is iomaí cruthú a thug sé dóibh go raibh sé beo, dá nochtadh féin dóibh ar feadh daichead lá agus ag cur síos ar Ríocht Dé.

Ar rá an méid sin dó, tógadh suas os comhair a súl é agus dʼardaigh scamall as a radharc é.

Fad a bhí siad ag stánadh in airde sa spéir ina dhiaidh sheas beirt fhear in éadaí bána ina n-aice. “A fheara na Gailíle,” ar siad, “cad ab áil libh in bhur seasamh ansin ag amharc in airde sa spéir? An Íosa seo a tógadh suas ar neamh uaibh, tiocfaidh sé an tslí chéanna ina bhfaca sibh ag dul suas é.”