آیات محبوب کتاب مقدس از MATIU 10

به اشتراک گذاشتن

Matɛni á zĩ lán sãnɔ bà lɛwannanɔ tɛ́mɛ. Àgɔ̃ laakari vĩ lán mlɛ̃̀nɔ bà, àgɔ̃ de yãkekɛrisaridenɔ ũ lán potɛ̃nɛnɔ bà.

Gbɛ̃ kũ à a wɛ̃̀ndi kũna, ade ni kurai. Gbɛ̃ kũ à gì a wɛ̃̀ndiii ma yãi sɔ̃, ade nigɔ̃ wɛ̃̀ndi vĩ.

Gbɛ̃ kũ òdi mɛ̀ kakatɛ, ama òdi fɔ̃ ò nini dɛ̀ronɔ, àsun vĩna kɛńnɛro. À vĩna kɛ Ludanɛ, kũ ani fɔ̃ à nini kũ mɛ̀ɛo kakatɛ tɛ́ gũn pínki.

Gbɛ̃ kũ adi a lígbãndurukpana sɛ́ àgɔ̃ tɛ́omairo, ade dí ká àgɔ̃ de ma ìba ũro.

Gbɛ̃ kũ à zɛ̀ kũmao gbɛ̃nɔ arɛ, mani zɛ kãao ma De kũ à kú musu arɛ. Gbɛ̃ kũ à ledi kpàmai gbɛ̃nɔ arɛ sɔ̃, mani ledi kpái ma De kũ à kú musu arɛ.

À gyãrenɔ werekɔ̃a, à gɛ̀nɔ vu bona gan, à kusunɔ werekɔ̃a swáswa, à tãnanɔ goḿma. Lákũ a lè pɔ́kekpanaa sari nà, à kɛńnɛ pɔ́kesinaa sari.

Abire yãi àsun vĩna kɛro. Á bɛ̀ɛrɛ de bãntoro dasinɔla.

Ásungɔ̃ da ma su de gbɛ̃nɔ gɔ̃ nna kũ kɔ̃o andunia gũnnlo. Mádi su de gbɛ̃nɔ gɔ̃ nna kũ kɔ̃o yãinlo, sé futɛna kũ kɔ̃o.