آیات محبوب کتاب مقدس از 2. Mose 11

به اشتراک گذاشتن

Palle penas o baro Dewel ap o Mose: “Jek wawar bibacht kamau me pral o Farao un pral o tselo them Egiptia te anell. Pal koja mukell lo tumen te djal. Un kowa hi gar doha: job tradell tumen win.

Palle merenna i tsele mursh tchawe an o them Egiptia, kai hi i phureder tchawe pengre dajendar: o Faraeskro phureder tchawo, kai ap o rajeskri beshepaskri beshdo hi, un ninna o phureder tchawo kol djuwjatar, kai dran o djob jarro krella. Un ninna kol mursh vieche, kai hi i phureder tchawe pengre dajendar hunte merenn. Un palle well i baro ropen an o tselo them Egiptia, jaake har his gomme kek ropen un well buder kek ropen.

Jaake was kowa tchatcho, hoi o baro Dewel penas ap o Mose: “O Farao shunella gar ap tumende, jaake te krau bud un baro koowa, un sikrau miri soor an o tselo them Egiptia.”