آیات محبوب کتاب مقدس از Matthaw 27

به اشتراک گذاشتن

Ac ynghŷlch y nawfed awr y llefodd yr Iesu â llef uchel, gan ddywedyd, Eli, Eli, lama sabachthani? hynny yw, Fy Nuw, fy Nuw, paham y’m gadewaist?

Ac wele, llen y deml a rwygwyd yn ddau oddi fynu hyd i wared: a’r ddaear a grynodd, a’r creigiau a holltwyd: A’r beddau a agorwyd; a llawer o gyrph y saint a hunasent a gyfodasant

A’r Iesu, wedi llefain drachefn â llef uchel, a ymadawodd â’r yspryd.

Ond y canwriad, a’r rhai oedd gyd ag ef yn gwylied yr Iesu, wedi gweled y ddaear-gryn, a’r pethau a wnaethid, a ofnasant yn fawr, gan ddywedyd, Yn wir Mab Duw ydoedd hwn.

Ac o’r chweched awr y bu tywyllwch ar yr holl dir hyd y nawfed awr.

Pilatus a ddywedai wrthynt, Pa beth gan hynny a wnaf i’r Iesu, yr hwn a elwir Crist? Hwythau oll a ddywedasant wrtho, Croes-hoelier ef. A’r llywodraethwr a ddywedai, Ond pa ddrwg a wnaeth efe? Hwythau a lefasant yn fwy, gan ddywedyd, Croes-hoelier ef.