آیات محبوب کتاب مقدس از BLS 9

به اشتراک گذاشتن

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Sii-doɛ̃ tá soɛ ziabaa ǹ mànan manɛ. Sɛnɛ baãnaa goon nə sii bǐɛ̃ gigiã ziziɛ̃.

Ǹ tá n too koe sii-dɔ̃lin boo basiɛ̃n ganaa, á la baãnaan nyɛɛnaandɛnaa a lɛ-dɛn manɛ.

Sonbore, yiikoonaan tá doɛ̃ mà ǹsɛn tá re giɛ̃. Sɛnɛ, geren ba màn kɔn doɛ̃ duduu wa. Ǹ ba n yii diɛ màn kɔn la doo wa. A giala, yiri bɔ ǹ nɛ.