آیات محبوب کتاب مقدس از रोमियो 2

به اشتراک گذاشتن

ए मनुक्ख, तू जेड़ा ऐसे-ऐसे कम करने आले उपर दोष लाना ऐं, ते अप्पुं गै उवै कम करना ऐं; के ए जानना ऐ के तू परमेसर दी सजा दे उक्म कोलां बची जागा? के तू ओदी पलाई, ते सेंन करने दी शक्ति, ते स्बर करने आला तन्न गी तोच्छ जानना ऐं? के ए नेई समझदा के परमेसर दी पलाई तुगी मन फराव गी सखांदी ऐ?

एस आसतै ए दोष लाने आले, तू कोई कि नेई ओगा, तू दोषी ऐं; किके जेस गल्ल च तू दुए उपर दोष लाना ऐं, उसै गल्ल च तू अपने आप गी बी दोषी खुआना ऐं, एसकरी के तू जेड़ा दोष लाना ऐं, अप्पुं उवै कम करना ऐं।

किके परमेसर कुसे दी तरफदारी नेई करदा।

किके परमेसर दे उत्थें कनून दे सुनने आले तरमी नेई, लेकन कनून उपर चलने आले तरमी खुआए जागन।

परमेसर अर एक गी ओदे कम्में दे मताबक बदला देग

लेकन जेड़े खोदगरजी न ते सच्च गी नेई मनदे, लेकन ओ अतर्म गी मनदे न, उन्दे उपर गुस्सा ते कोप पौग।

पर तू अपनी कठोरता ते जिद्दी मन दे मताबक ओदे गुस्सै दे देन लेई, जेदे च परमेसर दा सच्चा न्याय परकट ओग, अपने लेई गुस्सा कमा करना ऐं।