آیات محبوب کتاب مقدس از फिलिप्पियों 2

به اشتراک گذاشتن

अपने मतलब आसतै जां चुठी बड़ाई आसतै केछ नेई करो, लेकन दीनगी कन्ने एक दुए गी अपने थमां बैतर समझो। अर एक अपने गै फायदे दी नेई, बरना दुए दे फायदे दी बी चेंता करो।

जियां मसीह यीशु दा सवाव हा उयांगै थुआड़ा बी सवाव उवै।

जेस ने परमेसर दे रूप च ओदे ओई बी, परमेसर आला लेखा ओदे ओई बी अपने वश च रखना सेई नेई समझया। बरना अपने आप गी ऐसा त्यागी दिता, ते दास दा रूप तारण कित्ता, ते मनुक्ख आला लेखा बनी गीया। ते मनुक्ख दे रूप च परकट ओईयै अपने आप गी दीन करी दिता, ते इत्थैं तकर उक्म मनदा रिया के मौत, आं, सूली दी मौत बी चेली लेई।

किके ओ परमेसर गै जेस ने अपने मन दी खुशी क्न्ने थुआड़े च इच्छया ते सेवा दा कम करन लेई, इनें दौनी गल्लें लेई थुआड़े च जोर पांदा ऐ।

एस कारन परमेसर ने उसी इन्ना मान बी कित्ता, ते उसी ओ नां दिता जेड़ा सारें नां थमां बड़ा ऐ, के जेड़े सोर्ग च ते तरती उपर ते तरती दे थलै न, ओ सारे यीशु दे नां अगें मथे टेकन, ते पिता परमेसर दी मैमा आसतै अर एक जिभ मन्नी लै के यीशु मसीह गै प्रभु ऐ।

सारे कम बगैर कुड़कुड़ाए ते बगैर बैस दे करो, तां जे तोस बेकसुर ते पोले बनियै टेड़े ते टीठ लोकें दे बेच परमेसर दे बिना दाग दे बच्चे बने रवो, जिन्दे बेच तोस जिंदड़ी दा वचन लेईयै दुनिया च जलदे दियें आला लेखा लबदे ओ।

एस आसतै ए मेरे प्यारो, जियां तोस मेशा थमां उक्म मनदे आए ओ, उयांगै ऊन बी नेई सेर्फ मेरे कन्ने रौंदे ओई लेकन खास करियै ऊन मेरे थमां दूर रौने उपर बी डरदे ते कम्बदे ओई अपनी-अपनी मुक्ति दा कम पूरा करदे जाओ