آیات محبوب کتاب مقدس از यूहन्ना 21

به اشتراک گذاشتن

पोजन करने कोलां बाद यीशु ने शमौन पतरस गी आखया, “ए शमौन, यूहत्रा दे पुत्तर, के तू इन्दे कोलां जादै मेरे कन्ने प्यार करना ऐ?” ओनें उसी आखया, “आं प्रभु; तू जानदा ऐं के आऊँ तेरे कन्ने प्यार करदा ऐं। ओनें उसी आखया, मेरे मेम्ने गी चार।” ओनें पी दुई बार उसी आखया, “ए शमौन, यूहत्रा दे पुत्तर, के तू मेरे कन्ने प्यार करना ऐ?” ओनें उसी आखया, “आं प्रभु; तू जानदा ऐं के आऊँ तेरे कन्ने प्यार करदा ऐं।” ओनें उसी आखया, “मेरीयें पिड्डें दी रख्या करे।” ओनें त्री बार उसी आखया, “ए शमौन, यूहत्रा दे पुत्तर, के तू मेरे कन्ने प्यार करना ऐ?” पतरस दूआस ओया, के ओनें उसी त्री बार इयां गै आखया, “के तू मेरे कन्ने प्यार करना ऐ?” ते ओनें आखया, “ए प्रभु, तू तां सब केछ जाननां ऐं; तू ए जाननां ऐ के आऊँ तेरे कन्ने प्यार करना ऐं।” यीशु ने उसी आखया, “मेरीयें पिड्डें गी चार।

आऊँ तेरे कन्ने सच-सच आखना ऐं, जेलै तू जवान हा तां अपना लक्क बनियै जिथें चांदा हा उत्थें जंदा हा; लेकन जेलै तू बुड्डा ओगा तां अपने अथ्थ फलागा, ते दुवा तेरा लक्क बनग ते जिथें तू नेई चागा उत्थें तुगी लेई जाग।”

ओनें उनेंगी आखया, “किशती दी सज्जी बखी जाल सुट्टो, तां थोगन।” ओस बेलै उनै जाल सुट्ट्या, ते ऊन मछीयां बड़ीयां जादै ओनें दे कारन उसी खिची नेई सके।

शमौन पतरस ने उनेंगी आखया, “आऊँ मछीयां पकड़न लेई जा करना ऐं।” उनै उसी आखया, “अस बी तेरे कन्ने चलनयां।” एसकरी ओ जाईयै किशती उपर चढ़ी गै, लेकन ओंस राती केछ बी नेई पकडया।